КіруАУДАНДЫҚ БІЛІМ БЕРУ БӨЛІМІНІҢ БҰРЫНҒЫ БАСШЫСЫНА ҚАТЫСТЫ ҰСЫНЫС ҚАРАЛДЫ
18 ақпан күні Сыбайлас жемқорлыққа қарсы қызметтің Батыс Қазақстан облысы бойынша департаменті басшысының бірінші орынбасары Н.И.Саметтің және Шыңғырлау ауданының әкімі Е.Р.Тұрмағамбетовтің қатысуымен Шыңғырлау ауданының әкімдігінде жергілікті атқарушы органдарының қызметкерлерімен кездесу өткізілді.
Аталған кездесу барысында ауданның білім беру саласында орын алған аяқталған қылмыстық істер бойынша сыбайлас жемқорлықтың туындауына әкелетін жағдайларды болдырмау мақсатында жолданған ұсыныстар қаралып, өңірдегі сыбайлас жемқорлықтың деңгейі туралы ақпарат айтылды.
Н.И.Самет өз сөзінде «2019 жылы Шыңғырлау ауданында 3 сыбайлас жемқорлық қылмыстары тіркелді. Олардың барлығы аудандық Білім беру бөлімінің басшысы Сапаровпен жасалған. Аталған сыбайлас жемқорлық қылмыстарының тіркелуіне атқарылған жұмыстарды қабылдауға арналған арнайы алқалы органдардың (комиссиялардың) болмауынан Сапаров атқарылған жұмыстардың актілеріге өзі қол қойып отырған» – деп атап өтті.
Шара барысында жергілікті атқарушы органдары қызметінде транспаренттілік пен ашықтықты қамтамасыз етуге бағытталған жүйелі шаралар өткізу ұсынылды.
Сонымен қатар, Н.И.Самет және «Ақжайық – Адалдық Алаңы» жобалық кеңсесінің басшысы Ә.Ө.Салиева азаматтарды жеке сұрақтары бойынша қабылдады.
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу