КіруМАС КҮЙДЕ КӨЛІК ЖҮРГІЗГЕН 51 АЗАМАТ ҰСТАЛДЫ
20 күнге таяу уақыттың ішінде 51 оралдық азамат мас күйде көлік жүргізгені үшін ұсталған.
2020 жылдың 11 қаңтарынан бастап, Қазақстан Республикасы Әкімшілік құқық бұзушылық туралы кодекстің кейбір баптарына өзгерістер енгізілді. Соның бірі – мас күйінде көлік тізгіндегендерге қатысты. Биылдан бастап мас күйінде көлік жүргізгендер 15 тәулікке әкімшілік қамау жазасына алынады және 7 жылға дейін көлік жүргізу құқығынан айырылады. Ішімдік ішкен күйі қайтадан көлік жүргізгендер 20 тәулікке әкімшілік қамауға алынады және тағы 8 жылға жүргізуші куәлігінен айырылады. Ал масаң күйінде абайсызда адам денсаулығына орташа ауырлықтағы зиян келтірсе, 1000 АЕК мөлшеріне дейінгі айыппұлмен немесе 1 жылға дейін бас бостандығынан айырумен жазаланады. Оған қоса, 10 жылға дейін көлік жүргізу құқығынан айырылады.
11 қаңтардан бүгінгі күнге дейін Орал қаласы бойынша ҚР ӘҚБТК-тің 608-бабымен 51 көлік жүргізушісі Орал қ.ПБ-ның арнайы қабылдау орынына жеткізілді. ҚР Қылмыстық кодексінің 346 -бабымен бұған дейін көлік жүргізу құқынан айырылып, мас күйінде көлік жүргізген 13 тұлға басқарманың уақытша ұстау изоляторына қамалды.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу