КіруКӘСІПКЕРДІҢ ОТБАСЫН ӨЛТІРІП КЕТТІ
Оқиға кеше, 14 қаңтар күні Батыс Қазақстан облысы Бәйтерек ауданында болған.
Кешкі сағат 22.40 шамасында өрт сөндірушілер Янайкин ауылындағы жеке үйден шыққан өртті сөндіру кезінде оқиға орнынан пышақталған үш адамның денелерін тапқан. Олар 66 жастағы кәсіпкер Александр Запрометов, оның 65 жастағы әйелі Валентина және 42 жастағы ұлы Сергей болып шықты.
Янайкин ауылдық округінің әкімі Ауған Алмурзиннің айтуынша, Александр Запрометов осы ауылда 20 жылдан аса уақыттан бері тұрды. «Янайкин» кеңшарына басшылық етіп, кейін «Лесное» ЖШС-ын құрған.
– Ауылда орташа дәрежеде тұрып жатқан азамат. Өзім қызметке жуырда келгеннен соң, сырттай танимын. Қоғамдық кеңес мүшесі. Марқұмдарды жерлеуге көмек беріледі,– деді Янайкин ауылдық округінің әкімі Ауған Алмурзин.
Ауылдықтар болса тұрғын үйде өрт шығып оны сөндіруге келгендерін айтады. Алайда, үй иелерінің өлімі туралы хабарды кейін білген.
БҚО полиция департаменті бастығының бірінші орынбасары Серік Сүйінбаевтың айтуынша. жеке үйдегі өрт сөндіру кезінде зорлықпен өлтірілген 1953 және 1977 жылғы ер адамдардың, 1954 жылғы әйелдің зорлықпен өлтірілген денелері табылған. Мүрделер сот-медициналық сараптамаға жіберілді. Қазіргі кезде ҚР ҚК 99-бабы 2-бөліміне сәйкес (кісі өлтіру) қылмыстық іс қозғалған.
Полицейлер қайғылы оқиғаға куәгерлерді іздестіру және бір отбасын түгелдей өлтірген қаскөйлерді іздестіру шараларын жүргізуде.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу