Кіру«Ақжайық – адалдық алаңы» жобалық кеңсесінің 2019 жылғы жұмысы қорытындыланды
14 қаңтар күні ANTIKOR ORTALYQY сервистік орталығында «Ақжайық – адалдық алаңы» жобалық кеңсесінің 2019 жылғы жұмысын қорытындылау бойынша кеңес өткізілді. Кеңеске жобаның кураторы, облыс әкімінің орынбасары С.Егізбаев, жобалық кеңсенің басшысы Ә.Сәлиева, арнайы мониторингтік топтың басшысы А.Түркина, жергілікті атқарушы органдардың басшылары, жобалық кеңсенің жауапты мамандары, АМТ және БАҚ мүшелері қатысты.
Жоба кураторы С. Р. Егізбаев сыбайлас жемқорлық ұлттық қауіпсіздік пен елдің болашағына елеулі қауіп төндіретінін, онымен күресте бүкіл қоғамды осы жұмысқа тарту маңызды екенін атап өтті, осы аспектіде «Ақжайық – адалдық алаңы» жобалық кеңсесі өз тиімділігін іс жүзінде дәлелдеді.
Жобалық кеңсенің басшысы Әлия Сәлиева жобалық кеңсенің 2019 жылғы жұмысын қорытындылай келе, жоба жалпыұлттық қозғалысқа айналғанын, оның аясында облыс әкімдігімен бірлесіп үлкен жұмыс атқарылғанын атап өтті. Атап айтсақ, «Ақжайық – адалдық алаңы» аясында жұртшылықтың қатысуымен «Мемлекеттік сатып алу мониторингі» жобасы іске қосылды, Уатсап-та облыстық, қалалық, аудандық әкімдіктер мен басқа да мемлекеттік органдардың басшылары қатысқан «адалдық» чаты құрылды. Облыстық сот пен Орал қаласының соттары «Open Space» форматы бойынша азаматтарға қызмет көрсету принципіне толығымен көшті. Тұрақты негізде облыстың сыбайлас жемқорлыққа қарсы қызметінің басшылығымен бірлесіп, ауылдық округтерге шығамыз және тұрғындарды қабылдауды өткізілуде.
«Сапалы жол – Адалдық алаңы» жобасы аясында азаматтар жолдардың сапасына, аулаларды абаттандыруға мониторинг жүргізеді. Нәтижесінде демеушілер есебінен салынған иесіз қалған үш балалар мен спорт алаңдары анықталды. Оларды балансқа қою бойынша шаралар қабылданып, оларды күтіп ұстау мен жөндеуге қаржыландыру көздері анықталған.
Сондай-ақ жүргізуші куәлігін алу үшін емтихан тапсыру және айыппұл тұрағында авто рәсімдеу кезіндегі сыбайлас жемқорлық тәуекелдері, «Сырым» шекара бекетінде кептелістер жойылды. Мичурин ауылында заңсыз орнатылған шлагбаумдар алынғанын да атап өту керек. Ақжайық – адалдық алаңының араласуымен «Батыс Су Арнасы» АҚ су есептегіштерін пломбалау құны 2 есеге төмендетті.
Шарада облыстық арнайы мониторингтік топтың жетекшісі А. С. Туркина 2019 жылғы жұмыс нәтижелері туралы баяндады және сыбайлас жемқорлыққа қарсы стратегияның орындалуы қоғам өкілдерінің тұрақты бақылауында екенін атап өтті.
Іс-шара соңында Жобалық офис жұмысына өз үлесін қосқан мемлекеттік қызметшілер мен аудандық Жастар ресурстары орталығының қызметкерлері облыс әкімінің орынбасары, жоба кураторы С. Р. Егізбаевтың және сыбайлас жемқорлыққа қарсы қызмет басшысы Р. С. Ақмырзаевтың алғыс хаттарымен марапатталды.
Соңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу