КіруБолат ӨТЕШЕВ, Ақжайық ауданы, Алмалы орта мектебінің ұстазы: «АБАЙДЫ ҚОЛБАЛА ҚЫП БІТІРДІК»
Мемлекет басшысы Қ.К.Тоқаевтың «Абай және ХХІ ғасырдағы Қазақстан» мақаласын Абай әлемін, ойшыл дүниесін терең талдауға құрылған туынды ретінде қабылдадым.
Қазі ргі қоғамда Абай өлеңдері мен афоризмдерін оңды-солды қолданатын болып алғанымыз жасырын емес. Әрине, аузы дуалы, сөзі салмақты абыздарымыз қолданса, сөзіміз жоқ. Бесіктен белі шықпай жатып, ұлы ақынның өмір жайлы толғаныстарын талдауға тырысатын жастарды көргенімде көкірегіме үміттен гөрі қынжылыс көбірек ұялайтынын қайтіп жасырайын?! Шынын айтқанда, ойда да, тойда да «Абайды қолбала қып бітірдік» (Сағынтай Бисенғалиев көкемнің сөзі ғой).
Президент мақаласы осы дабырашыл, науқаншыл үрдіске нүкте қояды деп сенемін. Қасым-Жомарт Кемелұлы ұлы ақынның қазақ қоғамы үшін ғана емес, күллі адамзатқа құнды мұрасын жан-жақты талдап көрсеткені өте құптарлық дүние болды. Өйткені, ақын мұрасын оқып қана қоймай, көңілге тоқып, тірлікте қолданатын уақыт жетті деп білемін. Абыздың 175 жылдығын күллі қазақ болып атсалысып өткізу елдігімізге сын болғалы тұр. Бірлігіміз арта берсін! «Біріңді, қазақ, бірің дос, Көрмесең, істің бәрі бос»… Тағы да хакім Абай…
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу