НОУТБУК ҰРЛАНДЫ
Оралдағы Әбілхайырхан даңғылы 14 мекенжайында орналасқан компьютер жөндейтін дүкеннен ноутбук қолды болды.
Оқиға 3 қаңтар күні шамамен түс мезгілінде орын алған. Дүкендегі сатушылардың тұтынушыларға қызмет көрсетіп жатқанын байқаған жас шамасы 50- ден асқан бейтаныс азамат ноутбкуты күртешісіне жасырып алып кеткен. Оның бұл әрекеті дүкендегі бейнетаспаға жазылып қалған. Бүгінде аталмыш азамат іздестірілуде. Кәсіпкерлік субьектісінің басшысы осы жазба бойынша полицияға шағымданған.
– Біздің дүкенде 3 бейнекамера бар. Алғашында біз ноутбуктың ұрланғанын байған жоқпыз. Өйткені тұтынушыларға қызмет көрсетіп жатқанбыз. Кейін үстел үстіндегі компьютердің жоқ екеніне көзіміз жетті. Бейнетаспаны тексердік. Қарасақ ер адамның алып кеткенін көрдік. Ол жанымыздағы азық түлік дүкенінен алкогольдік өнімдерді алғаны белгілі болды. Енді тәртіп сақшыларының қызметіне жүгініп отырмыз , – деді сатушы Владимир Эфремов.
Версия для печати
Пікір үстеу