КіруМЕМЛЕКЕТТІК НАГРАДАЛАР ИЕЛЕРІН ТАПТЫ
Бүгін облыс әкімдігінің «Ақжайық» залында өткен Тәуелсіздік күніне арналған жиында Елбасы Жарлығымен елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан үлесі үшін бірқатар азаматтар мемлекеттік наградалармен марапатталды. Сол марапаттарды өңір басшысы Ғали Есқалиев салтанатты түрде иелеріне табыстады.
– Баршаңызды отандастарымыз үшін ең қастерлі мереке саналатын Тәуелсіздік күнімен шын жүректен құттықтаймын. Тірлігі жарасқан, бірлігі бағын ашқан еліміз қазақ халқында «Ынтымағы берік елдің ырысы мол» деген даналық сөз бар. Бірлігіміздің арқасында қазақ елінің аты төрткүл дүниеге таралып, көкбайрағы көкте желбіреді. Тәуелсіздігіміздің нәтижесінде тұғырымызды тауып, рухани-мәдени байлығымызды түгендедік. Елбасымыздың «қазақ баласының бір-бірінен артық кемі жоқ» деген әдемі сөзі бар. Отанымыздың дамуына Қазақстанның барлық ұлыстары өз үлесін қосты. Соның ішінде Батыс Қазақстан облысы жұртшылығы тәуелсіздік жолында ерен күшпен еңбек етті. Сонау 1991 жылдан бері өңіріміз өркендеді. Экономикамыз біртіндеп дамып, халқымыздың әл-ауқаты артты. Рухани-мәдени жетістіктерге қол жеткіздік. Ұмыт қалған мұрамыз қайта жаңғырды. Осының барлығы ел бірлігінің, ел азаматтарының еңбекқорлығының, отандастарымыздың болашаққа деген нық сенімінің арқасы деп білемін. Табан астындағы топырақтың қадірін білмей, кең байтақ Отанды сүю мүмкін емес. Өңірге, қала берді Отанымызға жасаған еңбектеріңіз еселеніп қайтсын, – деді облыс басшысы Ғали Нәжімеденұлы.
Бұл күні Х.Бөкеева атындағы облыстық қазақ драма театрының әртісі Сердеш Қажымұратов «Парасат» орденіне, «АсанАул» ЖШС директоры Бейбіт Асанов, «Жайық Ет» ЖШС бас директоры Темірғали Ескендіров, облыстық сайлау комиссиясының мүшесі Марат Тәжмұқанов «Құрмет» орденіне, Қазталов ауданындағы «Дорремсервис» ЖШС-ның тракторшы-машинисі Ахат Мұханбеткереев, Жаңақала ауданындағы «Бірлік мал зауыты» ЖШС аға шопаны Қойшыбай Сапаров, Теректідегі «Прогресс» шаруа қожалығының комбайншысы Александр Челик ІІІ дәрежелі «Еңбек даңқы» орденіне ие болды. Сондай-ақ бірқатар азаматтар «Ерен еңбегі үшін», «Шапағат» медальдерімен, Қазақстан Республикасының Құрмет грамотасымен, ҚР Президентінің және Қазақстан халқы Ассамблеясының Алғыс хатымен марапатталды.
Салтанатты шара түстен кейін Х.Бөкеева атындағы облыстық қазақ драма театрында концерттік бағдарламаға жалғасты.
Кәусар БАЙҒАЛИЕВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу