КіруМемлекеттік қызметшілерге мерекені атап өткенше, мұқтаж отбасыларға көмектесу ұсынылды
ҚР Сыбайлас жемқорлыққа қарсы күрес агенттігінің Алматы департаменті басшысының бірінші орынбасары Данияр Таумұрат мемлекеттік қызметшілерге мереке қарсаңында сыйлық алмауды ескертті.
Брифинг барысында ол мемлекеттік қызметшілерді автокөліктерді өз мақсатына пайдаланбауға, мас күйінде көлік тізгіндемеуге, репутацияға нұқсан келтірмеуге шақырды. Оның айтуынша, былтыр заңға қайшы материалдық сыйақы алғаны үшін мемлекеттік қызметшілерге 2 млн теңгеге жуық 7 әкімшілік хаттама толтырылды. «Былтыр Мемлекеттік кірістер басқармасының қызметкері 481 мың көлеміндегі айыппұлды төлегені үшін 2000 тг көлемінде сыйақы алған. Екі полиция қызметкері де 600 АЕК, яғни 1,5 млн теңге әрқайсысы әкімшілік айыпұл төлеуге мәжбүр болды», – деді Данияр Таумұрат. Оның айтуынша, өз міндетін атқарған мемлекеттік қызметшілерге қай түрде болмасын сыйақы беруге қатаң тыйым салынады. «Егер сыйлықтың құны 2 АЕК мөлшерінен төмен, яғни 5000 теңгедей болса, пара берушіге 200 АЕК, яғни 505 мың теңге көлемінде айыппұл салынады. Пара алған адам 600 АЕК, яғни 1,5 млн теңге көлемінде айыппұл төлеуге мәжбүрленеді», – деді Д.Таумұрат. Департамент өкілі алған 2000 теңге сыйлығын 200 есе артық қайтарудың тиімсіздігін ескертті. Мемлекеттік қызметшілер жария түрде болмаса, оның келісімінсіз берілген сыйлықтың өзін алып кетуге құқығы жоқ екен. Мүлікті сақтау мен есебін жүргізу ережесіне сәйкес 7 күнтізбелік күн ішінде мемлекеттік қызметші алған мүлкін арнайы қорға өткізуге міндеттеледі. Сыйлықты өткізген тұлға арнайы мемлекеттік қордан сыйлықты нарықтық бағада сатып ала алады. Данияр Таумұрат кез келген мерекені аста-төк атап өткенше, мұқтаж отбасыларға сыйлық сыйлауды ұсынды. «Біз корпоративтік жиын өткізбейміз. Жиналған қаражатты қайда жұмсайтынымызды ақылдасамыз», – деді Данияр Таумұрат.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу