КіруОРАЛ ҚАЛАСЫНЫҢ ӘКІМІ ЖАС ДАРЫН ЕРЖАН МАКСИМДІ ҚАБЫЛДАДЫ
Орал қаласының әкімі Абат Шыныбеков «Junior Eurovision-2019» халықаралық ән байқауының лауреаты атанған Ержан Максимді қабылдады. Жас өнерпаз қабылдауға анасымен бірге келді.
Шаһар басшысы байқауға Қазақстанның атынан қатысып, әлемдік додада үздік өнер көрсеткен Ержан Максимді жеңісімен құттықтап, «Абай жолы» роман эпопеясын және велосипедті сыйға тартты және анасвна ілтипатын білдірді.
– Осындай дарынды баланы тәрбиелеп отырған өздеріңізге алғыс айтамын,-деген қала басшысы одан әрі тілегін жас дарынның өзіне арнады, – Ержан, сен әлі де биік белестерді бағындыратыныңа сенеміз. Қазақстанның атын әлемге таныта бер дегім келеді,- деді Абат Шыныбеков.
Сондай ақ, кездесу барысында алдағы жылға жоспарланып отырған жас өнерпаздың жеке концерті де талқыланды.
Айта кетейік, Ержан Максим бұған дейін үстіміздегі жылдың мамыр айында «Голос Дети» байқауының жеңімпазы атанды. Ал жуырда Польшаның Гливице қаласында өткен «Балалар Евровидениесі 2019» байқауында «Арманыңнан қалма» («Don’t forsake your dream») әнін орындап, қазылардвң және көрермендердің бағалауы бойынша жалпы 227 ұпаймен екінші орынды еншіледі. Қазіргі таңда Ержан Мәскеу қаласындағы Игорь Крутойдың музыка академиясында білім алуда.
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу