КіруФАРИЗАНЫҢ ЖАУҺАР ЖЫРЛАРЫН ОҚЫДЫ
Оралда Қазақстанның халық ақыны, Мемлекеттік сыйлықтың лауреаты Фариза Оңғарсынованың 80 жылдығына арналған «Жауһар жырды жүрегінде тербеген» қалалық Фариза оқулары өтті.
Елбасының «Болашаққа бағдар: рухани жаңғыру» мақаласы және Жастар жылы аясында өткен байқауды Орал қаласының мәдениет және тілдерді дамыту бөлімі ұйымдастырды. Байқауға қалалық колледждер мен ЖОО студенттері қатысып, екі кезең бойынша сынға түсті. Нақтырақ айтқанда, ақын өлеңдерін жатқа мәнерлеп оқу және ақын сөздеріне жазылған әндерді орындау. Байқау қатысушыларына ақын, ҚР Білім беру ісінің құрметті қызметкері, «Ерен енбегі үшін», «Қазақстан Тәуелсіздігіне 10 жыл» медальдарының иегері Дариға Мұштанова, ғалым-ұстаз, «Ақберен» жас ақындар мектебінің жетекшісі Талап Қуаныш, ақын, Мичурин жалпы орта білім беретін мектеп-балабақша кешенінің ұстазы Назгүл Каримова, Орал қаласының мәдениет және тілдерді дамыту бөлімінің басшысы Серік Кайрлиев, облыстық Ғ.Құрманғалиев атындағы Батыс Қазақстан облысы филармониясының әншісі Айбар Қайырханов әділ бағаларын берді.
Қорытындысында бірінші номинация – ақын өлеңдерін жатқа оқудан 1-орынды Мамут Зафура, 2-орынды Алмас Айнұр мен Махамбетова Аружан, 3-орынды Қадырғалиұлы Аслан, Есқалиева Гүлдана, Дәрібай Мирас иеленді.
2-номинация – ақын өлеңдеріне жазылған әндерді орындаудан Орынбасаров Ермахан, 2-орынды Темірбек Ұлпан, Тастенова Арна, 3-орынды Сәлімгереев Нұрқат иеленді.
Жеңімпаздар дипломмен және естелік сыйлықтармен және барлық қатысушылар алғыс хатпен марапатталды.
Кітапхана қорынан жасақталған «Жыр жұлдызы Фариза» кітап көрмесімен оқырмандар жақын танысты.
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу