КіруМУЗЕЙДЕ ПРОКУРОРЛАРҒА АРНАЛҒАН БҰРЫШ АШЫЛДЫ
Батыс Қазақстан облысы Қазталов аудандық тарихи-өлкетану мұражайында осы өңірде дүниеге келген прокуратура органдарының қызметкерлеріне арналған бұрыш ашылды.
Шараға облыс прокуроры Жандос Өмірәлиев, прокуратура органдарының ардагерлері Жеңіс Қапезов, Ғинаят Салықов, Бақытжан Сарбасов және қоғамдық ұйым өкілдері қатысты.
Осы бұрышта өткеннен сыр шертетін естелік суреттер, өмірбаяндар, құнды құжаттар және Мұқатып Әжхановтың бюсті орнатылған.
Мұқатып Әжханов 1943 жылы Қазталов орта мектебін бітірген соң, майданға аттанған. Ұлы Отан соғысы аяқталғаннан кейін 38 жыл прокуратура органдарында, атап айтсақ Жәнібек, Чапаев аудандарының прокуроры, ал 1971-1978 жылдары Орал облысы прокурорының қызметін атқарған. Жұмыстағы жетістіктері және заңдылықты нығайту ісіне қосқан жеке үлесі үшін КСРО Жоғарғы Кеңесі Президиумының Жарлығымен Мұқатып Әжхановқа 3-ші сыныпты мемлекеттік әділет кеңесшісінің шені берілген.
Шарада Қазталов ауданынан шыққан прокуратура қызметкерлері Ғинаят Салықов, Тілепберген Әділов, Абжай Садиев, Исқали Мұқанов, Жағылтай Искиндировалардың еңбектері мен заң саласына қосқан үлестері мақтанышпен айтылды. Прокуратура ардагерлерінің ерен еңбектері жөнінде кең ауқымды фактілер, материалдар мен экспонаттар жиналған.
«Ер есімі ел есінде» деп халқымыз айтқандай, біздің мақсатымыз батырларымыздың ерлігін, өлкеміздің тарихи, мәдени құндылықтарын көзіміздің қарашығындай сақтап, келер ұрпаққа жеткізу.
Бауыржан Ахметжан, БҚО прокуратурасының ресми өкілі
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу