КіруТӨТЕНШЕЛІКТЕР ҚЫСҚА ДАЙЫН
Бүгін Тұңғыш Президент алаңында «Қыс – 2019» республикалық командалық-штабтық оқу-жаттығудың екінші кезеңі өтті. Шараға қала әкімінің орынбасары Бекжан Тоқжанов, Батыс Қазақстан облысы Төтенше жағдайлар департаменті бастығы, генерал-майор Жасұлан Жұмашев қатысып, қысқы кезеңдегі төтенше жағдайларды жою кезінде тартылатын қару-жарақ пен жабдықтардың дайындығын тексерді.
Бұл күні өртті сөндіру және жою, зардап шеккендерді эвакуациялау, іздеу және құтқару, төтенше жағдай аймағында медициналық және психологиялық көмек көрсету іс-қимылдары пысықталды. – Оқу-жаттығу шараларының басты мақсаты – біздің күштік құрылымдардың дайындықтарын жан-жақты сынау және олардың бірлескен іс-қимылдарының үйлесімділігін қадағалау. Сонымен қатар, әскери техникалардың күш-қуатын тексере отырып, кез-келген орында болатын төтенше жағдайлардың алдын алуға дайын болу. Ағымдағы жылдың тамыз айында облыстағы төтенше жағдайлар жөніндегі комиссия отырысында қысқа әзірлік жұмыстары пысықталды. Осы орайда облыс көлемінде 125 тексеріс шарасы өтті. Қазіргі таңда жоспарға сай құтқару күштері мен азаматтық қорғау құрылымдарының қыс маусымына дайындығы қаралуда. Тек оқу жаттығу жұмыстары ғана емес,өңіріміздегі барлық құрылымдарды тексерістен өткіздік. Республикалық және жергілікті жолдардағы ұзындығы 509 шақырымды құрайтын 208 учаскеге мобильді топтар қойылды. Қысқа дайындық ойдағыдай. Жанар-жағармай жеткілікті, – дейді облыстық төтенше жағдайлар департаменті бастығы генерал-майор Жасұлан Қыдырғожаұлы.
«Өрт сөндіру және авариялық құтқару жұмыстары» бөлімінің бастығы Төлеген Абдушевтың айтуынша, бұл күні облыстық Төтенше жағдайлар департаментінің дағдарыс жағдайларындағы басқармасының «112» кезекші телефонына қаланың солтүстік-шығыс бөлігіндегі 10-шағын аудан ауданында 5-қабатты тұрғын үйдің 3-қабатында өрт шығып, кіреберісі қирағаны туралы ақпарат келіп түскен. Тұрғындар түтін мен оттың арасында қалып көмек сұрайды, олардың арасында түрлі жарақаттар мен күйік алған зардап шеккендер бар. Төтенше жағдай орнына №2 өрт сөндіру бөлімі, Жедел-құтқару жасағы, медициналық қызмет бөлімшелері дереу жеткен. Өртке қарсы қызмет қызметкерлері жедел-құтқару жасағының құтқарушыларымен бірге ғимараттың ішіне кіріп, зардап шеккендерді құтқарып, адамдарды қауіпсіз жерге көшірді. Сонымен қатар, баллонның жарылысы кезінде темір бетонды жабынның бөлігі жерге құлап, астында адамдар қалған. Кинологиялық есеп топтары шартты зардап шегушіні іздеді.
Қабылданған шаралар барысында барлық арнайы қызметтердің күшімен төтенше жағдай жойылды, зардап шеккен жұмысшылар құтқарылды, оларға алғашқы медициналық және психологиялық көмек көрсетілді. «Қыс – 2019» республикалық командалық-штабтық оқу-жаттығуының қорытындысы бойынша қойылған міндеттер толықтай орындалды. Мұндай оқу-жаттығулар жоспарлы негізде жыл сайын өткізіледі.
Кәусар БАЙҒАЛИЕВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу