КіруДҮНИЕЖҮЗІЛІК ЖИТС-КЕ ҚАРСЫ КҮРЕС КҮНІНЕ ОРАЙ КАМПАНИЯ БАСТАУ АЛДЫ
Дүниежүзілік ЖИТС-ке қарсы күрес күніне орай 5 қарашадан бастап «Қоғамдастықтардың шешуші рөлі» тақырыбымен бір айлық кампания бастау алды. Дүниежүзілік кампания аясында түрлі шаралар жоспарланған. БҚО ЖИТС-ке қарсы күрес орталығы мен облыстық салауатты өмір салтын қалыптасытру орталығының ұйымдасытыруымен өткізілген баспасөз конференциясында айлық аясында жоспарланған іс-шаралар таныстырылды.
Мамандар жыл санап жаңа тіркелгендердің көбейіп жатқанын айтып дабыл қағуда. Республикамызда бүгінде 38 524 жағдай тіркелген. Облыстық ЖИТС-ке қарсы күрес орталығының мәліметінше, өңірде биыл 51 адамның бойынан қауіпті кесел белгісі анықталған. Бұл былтырғыдан 8 жағдайға көп. 1996 жылдан бері бойынша 674 жағдай тіркелген болса, қазір 413 адам диспансерлік есепте тұр.
Дүниежүзілік ЖИТС-ке қарсы күрес күніне орай ұйымдастырылып отырған кампания аясында облысымызда студенттерге арналған лекторий, спорттық шаралар, сауда орталықтарында экспресс-тестілеу акциясы, театрландырылған байқау ұйымдастырылады. Экспресс-тестілеу «Орал-Ақсай» бағытында қатынайтын такси жүргізушілері арасында да өткізілмек.
– Жамбыл көшесіндегі бұрынғы перинаталдық орталықта «Дружественный кабинет» жұмыс жасайды. Онда жастар анонимді түрде тестілеуден өтіп, өз АИТВ-мәртебелерін біле алады. Маусым айынан бастап кабинетке өз еріктерімен 185 адам қабылдауға келді, – деді облыстық ЖИТС орталығы директорының орынбасары Алмагүл Монтақова.
Кампания шеңберінде әлеуметтік желілерде «#вичтуралыайтамын» хэштегімен «Мен неге АИТВ туралы айтамын?» челленджі бастау алғанын атап өту керек. Челленджге қатысушылар АИТВ-ға қатысты мәселелерін, жеке оқиғаларын айтып, 1 минуттық роликпен бөлісе алады.
Елмұра АСХАТҚЫЗЫ
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу