КіруОРАЛДА ЖЕКЕ БАЛАБАҚШАЛАРДЫҢ ҮЛЕСІ АРТЫП КЕЛЕДІ
Оралда жаңа жеке балабақша ашылды. Төртінші шағынауданда жұмысын бастаған мектепке дейінгі білім беру ұйымы 250 бүлдіршінді қабылдауға дайын. Бөбекжайдың жұмысымен Орал қаласының әкімі Абат Шыныбеков танысты.
«Сәби» деп аталатын балабақшаның бұл бесіншісі. Құрылтайшысы Мұрат Қуанышқалиевтің айтуынша, «Сәби» балабақшалар желісі бес жылдан бері мемлекеттік тапсырыс негізінде жұмыс жасап келеді. Әр бөбекжай өзіндік ерекшеліктерге ие. Барлығы да арнайы мамандандырылған бағдарламамен жұмыстанады.
Жаңа бөбекжайда бүлдішіндердің ой-өрісін дамытудан бөлек тұзбен емдеу, массаж, ағылшын тілін үйрету және каратэмен айналысу, би өнеріне баулу сынды қосымша қызметтер көрсетіледі. Балабақшаның ашылуымен нысанда 40 жаңа бос жұмыс орны ұйымдастырылып отыр.
– Ғимаратты иесімен келісім жасап, бес жылға жалға алып отырмыз. Бір ай бұрын мұнда балабақшаға бейімдеу жұмыстарын бастап, бөлмелерді жабдықтадық. Қазір үш топ бойынша ұжым жинақталды. Бүлдіршіндермен білікті, тәжірибелі мамандар жұмыстанатын болады, – дейді «Батыс Сәби» ЖШС құрылтайшысы Мұрат Қуанышқалиев.
Бүгінгі таңда қала бойынша мемлекеттік және жекеменшік балабақшалардың жүйесі жақсы дамып келеді. Ол үшін мемлекет тарапынан қолдау аз емес. Қала әкімінің сөзінше, балабақшалар үшін жан басына қаржыландыру мөлшері жыл санап ұлғаюда. Мәселен, былтыр мемлекеттік тапсырыс алып отырған балабақшалар үшін әр балаға 19 354 теңгеден төленсе, биыл 27 502 теңгеге көтерілген.
– Бұған дейін жеке балабақшалар өз пайдасына ғана жұмыс жасайтын. Қазір жеке балабақшаларда қызмет көрсету сапасы жоғары екенін көріп отырмыз. Яғни, осы балабақшаға келетін балғындар үшін бүгінгі заманға сай тәрбие алуына, жетілуіне толық жағдай жасалған. Егер мемлекеттік балабақшалар өз функционалдық міндеттерін мемлекеттік бағдарлама аясында жүзеге асырып жатса, жеке балабақшалар оның одан әрі дамуына үлес қосады деп ойлаймын, – дейді қала әкімі Абат Шыныбеков.
Қазір Орал қаласында 50 мемлекеттік, 58 жеке балабақша жұмыс жасайды. Бес жасқа дейінгі кезекте тұрған балғындардың саны – 16 234. 3-5 жас аралығындағы балғындардың мектепке дейінгі ұйымдармен қамтылу көрсеткіші – 99 пайыз. Қаланың солтүстік-шығыс шағынауданында және Зашаған кентінде жаңа үйлердің көбірек салынып, халық санының өсуіне байланысты балабақшаның тапшылығы байқалуда. Дегенмен, облыс әкімінің тапсырмасына сәйкес болашақта салынатын көпқабатты үйлердің бірінші қабаттары бос кеңістік ретінде жобаланып, әлеуметтік мекемелер үшін, атап айтқанда, учаскелік немесе амбулаторлық пункттер, балабақша, шағын орталықтар есепетелетін болады.
Эльмира НҰҒМАНОВА
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу