КіруОРАЛДА ЕКІ МЕКТЕП АПАТТЫ ДЕП ТАНЫЛДЫ
Орал қаласында екі мектеп апатты деп танылған.
Орал қаласы әкімі Абат Шыныбековтың мәлімдеуінше, қазіргі уақытта апатты деп танылған №33 мектеп құрылысының жобалық-сметалық құжаттамаға сараптаманың оң қорытындысы алынып, тиісті қаражатты бөлу үшін бюджеттік өтінім жолданған. Ал №31 орта мектеп құрылысының жобалық-сметалық құжаттамасы дайындалу үстінде.
Қаладағы 51 күндізгі жалпы орта білім беретін мектептің алтауы ғана бір ауысымда жұмыс жасайды. 40 мектеп екі ауысымды тәртіпте, бес мектеп үш ауысымда оқытуда.
– Соңғы жылдары Зашаған кенті, Сарытау шағын аудандарында жаңа үйлердің салынып, халықтың көшіп келуіне байланысты оқушылар саны көбеюде. Сол себепті осы кенттегі мектептер үш ауысымда оқытуға мәжбүр болып отыр, – деді Абат Абайұлы.
Айта кетейік, биылғы жылы қала мектептерінде 49949 оқушы білім алуда. Бұл көрсеткіш өткен жылмен салыстырғанда 3467 оқушыға артық.
Елмұра АСХАТҚЫЗЫ
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу