КіруҰЛТ РУХЫН ЖАҢҒЫРТҚАН – «LATYN FEST»
Форум
Қазақстан Республикасының Тұңғыш Президенті Н.Ә.Назарбаевтың «Болашаққа бағдар: рухани жаңғыру» бағдарламасындағы таяу жылдары жүзеге асырылуы тиіс мәселелердің бірі – «Қазақ жазуын латын графикасына көшіру» бағдарламасын жүзеге асыру. Осы орайда бүгін Хадиша Бөкеева атындағы облыстық қазақ драма театрында облыстық тілдерді дамыту басқармасының ұйымдастыруымен «LATYN FEST» жастар форумы өтіп, өңіріміздегі бірқатар тіл жанашырлары ҚР Президенті Қасым-Жомарт Тоқаевтың Алғыс хатын иеленді.
Форумға жиналғандар алдымен Х.Бөкеева атындағы қазақ драма театрының әртістерінің «Тілім – анам, тілім – бабам» тақырыбындағы сахналық қойылымын тамашалады. Жиынды ашқан облыс әкімінің орынбасары Серік Егізбаев: – Латын әліпбиіне көшу мәселесі, жалпы мемлекеттік тілдің дамуын, жай-күйін, алдағы көзделген мақсат-міндеттерді айқындау бағытында ұйымдастырылып отырған жастар форумына қош келдіңіздер. Бүгінгі шара Жастар жылымен Қазақстан Республикасының Тіл туралы Заңының қабылданғанына 30 жыл толуымен тұспа-тұс келіп отыр. Елбасымыздың «Болашаққа бағдар – Рухани жаңғыру» бағдарламалық мақаласында ұлттың рухын жаңғыртуға бағытталған нақты міндеттерді қойды. Негізгі бағыт – қазақ әліпбиін латын әліпбиіне ауыстыру. Жалпы мемлекеттік тілді дамытудың жаңа замандағы бір тетігі түйткілді мәселелерді, қоғамның қызығушылығын туғызар жайттарды бөлісудің маңызы зор. «Латыншаға көшудің терең логикасы бар. Бұл қазіргі заманғы технологиялық ортаның, коммуникацияның ерекшеліктеріне байланысты. Әліпби реформасы жаңа ғасырдағы қазақ тілін, мемлекеттің тілдің тынысын ашып, дамуына ерекше серпіліс туғызуы тиіс. Жас буын үшін ешқандай қиындық, кедергілер болмайды емес» деген Елбасының барша қазақстандықтарға зор міндет жүктейді. Латын графикасына көшу бұл жалпы елімізде экономика, халықаралық байланыс, ұлтаралық қатынас, өзге де маңызды факторларға ерекше әсер ететін құбылыс. Бүгінгі жастар форумының да мақсаты – латын әліпбиін талдау идеясын, Елбасының латын әліпбиіне кезең-кезеңмен және жүйелі түрде көшіру жөніндегі тапсырмасын насихаттау. Өйткені, латын графикасына көшу мәселесі ұлт болып қолдауды талап ететін ұлттық мәселе, – дей келіп еліміздің тарихындағы Тілдер туралы заңға биыл – 30 жыл толуына орай мемлекеттік тілдің мерейін өсіріп, қолдану аясын кеңейтіп, ұлтаралық қатынас құралына айналуына үлес қосып жүрген тіл жанашырларына ҚР Президенті Қасым-Жомарт Тоқаевтың Алғыс хаттарын тапсырды. Олардың қатарында халықаралық «Қазақ тілі» қоғамының мүшесі Болат Жексенғалиев, қалалық «Жайық үні» газетінің директор-редакторы, халықаралық «Алаш» сыйлығының иегері, жазушы Мира Шүйіншәлиева, БҚМУ-дың доценті, филология ғылымдарының кандидаты Жаңабек Жақсығалиев, Х.Бөкеева атындағы облыстық қазақ драма театрының әдебиет бөлімінің меңгерушісі Нұрлан Сәдір, ғалым, филология ғылымының кандидаты, доцент Ұлдай Ержановалар бар. Форумға арнайы келген Шайсұлтан Шаяхметов атындағы «Тіл-Қазына» ұлттық ғылыми-практикалық орталығының атқарушы директоры Ербол Тлешов, халықаралық журналист, филология ғылымдарының кандидаты, «Атырау» телеарнасының директоры, Қазақстан жастар Одағы «Серпер» сыйлығының лауреаты Қанат Әуесбай, саясаттанушы, журналист, суретші, қоғам белсендісі, «AmalBooks» баспасының жетекшісі Бақытжан Бұқарбай жастардың латын графикасындағы жаңа әліпбиге қатысты сауалдары мен сұраныстарына жауап беріп, жаңа әліпби мен емле-ережелерін жастарға түсіндірді.
Шара барысында облыстық тілдерді дамыту басқармасының басшысы Айгүл Мыңбаева ұлттық құндылықтарымызды дәріптеу, мемлекеттік тіліміздің мәртебесін арттыру мақсатында түрлі этнос балалары мен жасөспірімдер арасында жарияланған «Өзің туралы» акциясының, сондай-ақ «Менің отбасымның тарихы» атты сырттай бақылау байқауының жеңімпаздарын марапаттады.
Кәусар БАЙҒАЛИЕВА
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу