КіруСЫБАЙЛАС ЖЕМҚОРЛЫҚ – ҚОҒАМ ДЕРТІ
Бүгін Орал қаласының қорғаныс істері жөніндегі басқармасында Қазақстан Республикасының сыбайлас жемқорлыққа қарсы іс қимыл Агенттігінің (Сыбайлас жемқорлыққа қарсы қызмет) БҚО бойынша департаменті өкілдерінің қатысуымен Сыбайлас жемқорлықтың алдын алу бойынша дөңгелек үстел өтті.
Кез келген өркениетті қоғам үшін сыбайлас жемқорлықпен күрес ең өзекті мәселенің бірі болып табылады. Сыбайлас жемқорлық заман ағысымен бірге өсіп-өркендеп, мол қаражат және қоғамдық бәсекелестік пайда болған жерлерге тамырын жайып, бүгінгі күнге дейін жойылмай отырған кеселдің бірі. Қоғам үшін қауіпті кеселмен күресудің тиімді жолы – оның алдын алу, оған мүлдем төзбеушілік танытып, күнделікті қарым-қатынаста ешқандай жол бермеу. Дөңгелек үстелді ашқан басқарма бастығы, подполковник Рафхат Мажитов Рафхат жемқорлық тәуекелін жою мақсатында басқармада жасалып жатқан жұмыстарды атап өтті. Сондай-ақ мемлекеттік қызметші өз еліне, атқаратын қызметіне адал болуы тиіс екені атады.
Қазақстан Республикасының сыбайлас жемқорлыққа қарсы іс қимыл Агенттігінің (Сыбайлас жемқорлыққа қарсы қызмет) БҚО бойынша департаменті Превенция жəне парасаттылық басқармасының басшысы Біржан Хайруллин облыс бойынша орын алған сыбайлас жемқорлық фактілеріне тоқталды жəне осындай құқықбұзушылыққа итермелейтін себептерін ашып айтты.
Дөңгелек үстел соңында тақырыпқа байланысты бейне роликтер көрсетілді.
Айта кету керек, сыбайластықты болдырмау мақсатында Орал қаласының қорғаныс істері жөніндегі басқармасында жеке құраммен сыбайлас жемқорлықтың алдын алу мақсатында түрлі шаралар өтуде. «Сыбайлас жемқорлыққа қарсы іс – қимыл » Заңының аясында арнайы сабақтар да жиі ұйымдастырылады.
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу