КіруҚАРТТАРЫН ҚАДІРЛЕГЕН ЕЛ АРДАҚТЫ
Халықаралық қарттар күніне орай Орал қаласының қорғаныс істері жөніндегі басқармасының əскери қызметшілері Ұлы Отан Соғысының және Қазақстан Республикасының Қарулы күштерінің ардагерлерін құттықтауда.
2 қазан күні Орал қаласының қорғаныс істері жөніндегі басқармасының бастығы, подполковник Р.Мажитов жəне басқарманың тəрбие, идеологиялық, əскери-патриоттық жəне ҚР ҚК ардагерлерімен жұмыс бөлімшесінің бастығы, майор К.Ахметқалиев Қарулы Күштерінің ардагері, ұзақ жылдар жергілікті əскери басқару органдарында қызмет еткен Қазақстан Республикасының Қарулы Күштерінің құрылуы кезінде елеулі қызмет еткен полковник Н.Дегтяревті қарттар күнімен құттықтап үйіне арнайы барды.
Әскерилер ардагердің жасөспірімдердің патриоттық, отансүйгіштік қасиеттерін оятудағы еңбегі үшін рахмет айтып, деніне саулық тіледі.
Əңгіме барысында Қарулы күштер ардагері Николай Дегтярев өзі еңбек еткен кезінде басынан өткен қызықты сəттерін еске алып, құттықтап келген əскери қызметшілерге алғысын білдірді.
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу