КіруТҰРАРБЕК ТІЛЕМІСОВ, ЖЕКЕ КӘСІПКЕР, ОРАЛ ҚАЛАЛЫҚ МӘСЛИХАТЫНЫҢ ДЕПУТАТЫ, «ЖОМАРТ ЖҮРЕК» СЫЙЛЫҒЫНЫҢ ИЕГЕРІ:
– Ауылдан түлеп ұшқан түлектер болып туған жеріміз Жалпақталға футбол алаңын салып бердік. Бұл мақсатқа 10 миллиондай қаражат жұмсалды. Биыл самбодан әлем чемпионы Нұрбол Серіковке пәтер сыйладық. Сондай-ақ өзім басшылық ететін мекеме атынан да, қалалық мәслихат депутаты ретінде де қайырымдылық акцияларынан тыс қалған емеспін. «Қамқорлық» акциясы шеңберінде 62 жанұяға азық-түлік, киім-кешек жағынан көмек қолын создым. Мектепке жол акциясы аясында көпбалалы, аз қамтылған отбасынан шыққан 198 балаға оқуға қажетті құрал-жабдықтар, киім-кешектер әпердім. Өз округіме қарасты Желаев ауылының қақ ортасынан балалар алаңқайын ашқан едім. Қазір алаңқайдың балғындардың шат күлкісімен шырайы кіріп тұр. Сондай-ақ ауыл ішіндегі ескі зиратты сым темірмен қоршадық. Округтегі Ремзауыт ауданына қарасты жергілікті тұрғындар «Шанхай» атап кеткен аудандағы қоқыс мәселесі талай мәрте көтерген болатын. Округ тұрғындары балалардың сабаққа тау-төбе болып шоғырланған қоқысты кесіп өтіп, қатынап жүргенін айтып, тікелей көмек сұрап келген. Бұл мәселе де шешімін тапты. Күні бүгінде аталмыш аудан электр шамдарымен толық жарықтандырылды. Сол секілді шаһардың тазалығына бейжай қарамай, сенбіліктер кезінде мекеме тарапынан арнайы көліктер шығарып, қала тазалығына атсалысып келеміз.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу