КіруАҒА БУЫН ӨКІЛДЕРІНЕ ҚҰРМЕТ
1 қазан – саналы ғұмырларын Отан деп, тынымсыз еңбектерімен мемлекетіміздің негізін салуға жол ашқан алдыңғы буын өкілдерінің төл мерекесі. Осы күні қаладағы Жастар мәдениет үйінде қайырымдылық айлығына арналған «Жақсылық сыйла!» атты мерекелік концерт өтті. Мерекелік шарада еліміздің өсіп-өркендеуіне өлшеусіз үлес қосып, денсаулық сақтау, білім, мәдениет, экономика, құрылыс өзге де салаларда тер төгіп еңбек еткен ардагерлерді қала әкімі Абат Шыныбеков құттықтады.
– Құрметті ардагерлер, аға буын өкілдері! Сіздерді бүгінгі мерекемен шын жүректен құттықтаймын! Бұл мереке өте мағыналы, маңызы бар мереке деп білемін. Себебі тәжірибесі мол аға буынның өмір жолы біз үшін аса құнды дүние. Саналы ғұмырыңызды ұрпақ тәрбиесі мен халқына адал қызмет етуге жұмсаған Сіздер сабырлылық, қарапайымдылық, мейірімділік пен еңбексүйгіштік, Отанға, отбасына деген адалдықтың үлгісісіздер. Сондықтан xалқымыз ертеден-ақ үлкенге құрмет көрсетуді өсиет етіп, ұрпақтар арасындағы сабақтастыққа, үйлесімге ерекше мән берген.
Қаламызда қарияларымыздың әлеуметтік жағдайларын жақсарту мақсатында көп жұмыстар атқарылып, сіздердің экономикалық, қоғамдық, мәдени, рухани өмірге белсене араласуларыңызға қолайлы жағдай туғызылуда. Осы ретте, әлеуметтік жағынан аз қамтылған қарт адамдар, жалғызбасты зейнеткерлер мен мүгедектер мүддесі, оларға материалдық, әлеуметтік-тұрмыстық және басқа да көмек түрлерін көрсету мәселелері басты назарда ұсталып келеді.
Бүгінгі күн Сіздердің алдарыңызда мәңгі қарыздар екендігімізді тағы бір есімізге салғандай болады. Бүгінгі ұрпақ үшін жасаған бар жақсылықтарыңыз үшін аға ұрпақ өкілдерінің алдында бас иеміз.
Сіздерге зор денсаулық, көтеріңкі көңіл-күй, отбасыларыңыз бен замандастарыңыз арасында атап өтетін мереке күндері көп болсын деп тілеймін. Еліміз тыныш, жұртымыз аман, қарияларымыз ұзақ жасасын, – деді шаһар басшысы Абат Абайұлы.
Кеш барысында Аслан, Жасұлан Зинеденовтер «Аға мен іні», Рүстем, Мансур Кереевтер «Әке мен бала» әндерін тамылжыта шырқап, қариялардың көңілін бір сергітсе, «Ағалар әуені» Е.Хасанғалиевтің «Айналдым елім», Зияш Аманғалиева «Бастапқы ән» әндерін әуелетті. «Салтанат» би ансамблі мың бұралған билерімен таңдай қаққызды. Әрбір адамның жүрегінде үлкенге деген кішіпейілділік мол болса, мемлекетіміздің әл-ауқаты, халықтың рухани байлығы жоғарылай түсетіні сөзсіз. Бұл күнгі шара «Өсетін елдің қарты – қазына болар» дегендей, осындай алдыңғы аға буын барда бүгінгі жас ұрпақтың болашағы зор екенін дәлелдей түсті.
Кәусар БАЙҒАЛИЕВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу