КіруПАРАСАТТЫЛЫҚ – ОТБАСЫНАН
Парасатты қоғамның құрылысы адам өмірі бойы адалдық пен әділеттілікті дамытқан жағдайда ғана мүмкін болады. Дәл осы отбасында біз ерте жастан бастап балаларға осы құндылықтар туралы берік ұстанымдарды дарытып, өскелең ұрпаққа қоғамдағы этикалық мінез-құлықты көрсетіп, салауатты өмір салтын қолдауымыз қажет.
Қазақстан Республикасы Сыбайлас жемқорлыққа қарсы іс-қимыл агенттігінің әділеттілік, парасаттылық, сенім сияқты негізгі құндылықтарына сүйене отырып, Батыс Қазақстан облысы бойынша Сыбайлас жемқорлыққа қарсы қызметі демалыс күні «Отбасы күні» мерекесіне орай отбасымен бірге ұжымның спорттық турбазаға шығуын жүзеге асырды. Отбасылық командалар арасында спорттық жарыстар өткізіліп, нәтижесінде үш жүлдегер анықталды. Бірінші орынды – Қарымсақовтар отбасы, екінші орынды – Қапышевтар отбасы, үшінші орынды – Қуанышқалиевтар отбасы иеленді. Жеңімпаздар мақтау қағаздарымен марапатталды. Таза ауада қызықты және көңілді отбасылық мереке барлық қатысушыларға өте ұнады және көптеген жағымды эмоциялар тудырды, бұл іс-шараны департамент дәстүріне енгізу шешілді.
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу