КіруОРАЛ ҚАЛАСЫНЫҢ МӘДЕНИЕТ БӨЛІМІНЕ ЖАҢА БАСШЫ ТАҒАЙЫНДАЛДЫ
ҚР Президентінің «Ұлт жоспары – 100 нақты қадам» бағдарламасы және меритократия қағидаттарын жүзеге асыру аясында және конкурстық комиссияның шешімі бойынша Орал қаласының мәдениет және тілдерді дамыту бөлімінің басшысы лауазымына Қайырлиев Серік Ерболатұлы тағайындалды. Бұл туралы бүгін Орал қаласы әкімдігінің баспасөз қызметі хабарлады.
Қайырлиев Серік Ерболатұлы 1986 жылы Батыс Қазақстан облысы, Ақжайық ауданы, Құрыйлысай ауылында дүниеге келген. Білімі жоғары, 2003 жылы М. Өтемісов атындағы Батыс Қазақстан мемлекеттік университетінің «Өнер» факультетін аяқтаған. 2017 жылы Қазақстан инновациялық және телекоммуникациялық жүйелер университетінің «Мемлекеттік және жергілікті басқару» мамандығын тәмамдаған.
Еңбек жолын «Ғ.Құрманғалиев атындағы облыстық филармония» МКҚК-ның «Орал сазы» фольклорлық ансамблінің артисі болып бастаған. Әр жылдары Орал қаласының мәдениет және тілдерді дамыту бөлімінің «Қалалық мәдени-ағарту бірлестігі» МКҚК-нің «Алау» балалар аула клубының үйірме жетекшісі, «Жастар мәдениет үй» МКҚК-нің «Оралым» фольклорлық ансамблінің артисі, «Қалалық мәдени–ағарту бірлістігі» МКҚК-нің көркемдік жетекшісі, «Жастар мәдениет үй» МКҚК филиалының «Салтанат үйінің» көркемдік жетекшісі, «Қалалық мәдени-ағарту бірлестігі» МКҚК-нің директоры болып қызмет етті. Жаңа лауазымға тағайындалғанға дейін «Жастар мәдениет үй» МКҚК-нің директоры қызметін атқарды.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу