Кіру«Учаске» жедел-профилактикалық іс-шарасы өткізіледі
Халық арасында ішкі істер органдарының имиджі мен беделін арттыру, азаматтармен сенімді қарым-қатынас орнату, сондай-ақ құқық бұзушылықтардың алдын алу және оның жолын кесу мақсатында Батыс Қазақстан облысы аумағында 2019 жылғы 15 қыркүйек – 10 желтоқсан аралығында «Учаске» жедел-профилактикалық іс-шарасы өткізіледі. Бұл турады БҚО ПД баспасөз қызметі хабарлады.
Өткізілетін кезең ішінде учаскелік полиция инспекторлары өздеріне бекітілген әкімшілік учаскесіндегі тұрғындармен танысу, сондай-ақ, әртүрлі құқық бұзушылықтарға жол берген тұлғаларды анықтау мақсатында аула және көп қабатты үйлерді тексереді. Ішкі істер органдарының профилактикалық есебінде тұрған тұлғалар тексеріліп, олармен профилактикалық жұмыстар жүргізіледі.
Іс-шара барысында жалға берілетін пәтерлер, азаматтық қару иелері, базарлар мен өзге сауда жасау орындары, қоғамға қарсы әрекеттердің алдын алу мен қадағалаусыз қалу фактілерін жою мақсатында жастар және кәмелетке толмағандар көп шоғырланатын жерлер тексерілетін болады.
Сонымен қатар, саяжай алқаптары, құрылыс объектілері, оның ішінде тоқтатылған және тасталған объектілер, шатырлар, жертөлелер, канализациялық құдықтар мен өзге де орындар тексеріледі.
Ауылдық жерлерде учаскелік полиция инспекторлары қыстақтар мен шаруа қожалықтарын тексеріп, тұрғылықты мекенжайлары жоқ адамдарды, заңсыз жұмыс күшін пайдалану, шетелдік азаматтардың көші-қон ережесін бұзу, тіркелмеген қарулар мен тыйым салынған заттарды сақтау фактілерін анықтау бойынша жұмыстар жүргізеді.
Сонымен қатар тұрғындар арасында туындаған мәселелерді шешу үшін учаскелік полиция инспекторлары жергілікті атқарушы органдармен бірлесе отырып халықпен кездесулер ұйымдастырады.
Барлық керек ақпаратты БҚО ПД Жергілікті полиция қызметі басқармасының 98-43-09, 98-43-11 және 98-43-13 телефон нөмірлері арқылы алуға болады.
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу