КіруКӨЛІК ӨРТЕНДІ
Оқиға кеше 28 тамыз күні Орал қаласындағы «Астана» сауда үй аялдамасы маңында болған.
Батыс Қазақстан облысы Төтенше жағдайлар департаментінің өрт сөндіру және авариялық құтқару жұмыстары қызметінен түскен мәліметке қарағанда кешкі 18.15-те «Астана» сауда үй аялдамасының маңында 2011 жылы шығарылған Hyundai Accent автокөлігі өртенген. Өртті сөндіруге жеке құрамның 6 адамы және 1 техникасы жұмылдырылды. Сағат 18.28-де от толығымен жойылды.
– Қазіргі кезде өрттің шығу себебі, кінәлілер, келтірілген шығын анықталуда. Жыл басынан бері облыста көлік жанудың 63 дерегі тіркелді. Көп жағдайда шетелдік үлгідегі автокөліктер өртеніп отыр ,– деді Ж. Көпжасаров.
Төтеншеліктер қазіргі заманғы сериялық машиналардың материалдар отқа төзімді емес екенін және олар өрт шыққан жағдайда бірнеше минут ішінде толық жанып кетуі мүмкін екенін ескертіп, автокөлік иелері өздерінің өрт себебі болуы мүмкін автомобильдеріне де аса назар аударуы қажеттігін айтады. Уақтылы техникалық тексерулер жүргізу, бөгде иістерге, жалғағыш түтіктердің герметикалығына, жекелеген жүйелер мен агрегаттардың дұрыс жұмыс істеуіне назар аудару қажет.
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
Пікір үстеу