КіруМӘМС: МЕДИЦИНА ҰЙЫМДАРЫНА 21,4 МЛРД. ТЕҢГЕ ТӨЛЕНДІ
«Әлеуметтік медициналық сақтандыру қоры» коммерциялық емес акционерлік қоғамы БҚО бойынша филиалы медицина ұйымдарына 21,4 млрд. теңге төледі.
Батыс Қазақстан облысының медициналық мекемелері 2019 жылдың басынан бастап медициналық сақтандыру Қорынан халыққа көрсетілген қызметтер үшін 21,4 млрд теңге алды. Қаржы кепілдендірілген тегін медициналық көмек пакеті (ТМККК) шеңберінде бөлінді.
«2019 жылдың 20 тамызындағы мәліметтер бойынша, Қормен келісімшарт бекіткен жеткізуші компанияларға 21,4 млрд теңге төленді. Бұл кепілдендірілген медициналық көмек пакеті шеңберінде бекітілген келісімшарттардың жалпы сомасының 61,7 проценті», – деді филиал директоры Нуржамал Жумагулова.
2019 жылы кепілдендірілген медициналық көмек көлемі аясында Халыққа қызмет көрсету шарттарының жалпы сомасы 34,7 млрд теңгені құрайды. 2018 жылмен салыстырғанда 2019 жылы ТМККК қаржыландыру көлемі 15% – ға жоғары.
«Жұмыс кестеге сай жүріп жатыр», – деді филиал директоры Нуржамал Жумагулова.
Биыл мемлекеттік тапсырысты орындауға 51 медицина ұйымы атсалысып жатыр. Оның ішінде 15 жеке меншік клиника да бар.
Естеріңізге сала кетсек, Қор 2018 жылдан бастап ТМККК қаржы операторы болып табылады және Қазақстан Үкіметі бекіткен тәртіп бойынша сатып алады.
«Әлеуметтік медициналық сақтандыру қоры» коммерциялық емес акционерлік қоғамы Батыс Қазақстан облысы бойынша филиалы
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу