КіруҮЗДІК АУДАРМАШЫЛАР АНЫҚТАЛДЫ
20 тамыз күні Батыс Қазақстан облыстық тілдерді дамыту басқармасының қолдауымен «Еуразия әлеуметтік-гуманитарлық зерттеу орталығы» қоғамдық бірлестігі Қадыр Мырза Әлі атындағы мәдениет және өнер орталығында «Үздік аудармашы» атты аудармашылардың облыстық байқауын ұйымдастырды. Бұл шараға облыс аудандарынан және Орал қаласы бойынша 14 адам қатысты.
«Үздік аудармашы» байқауы әлеуметтік жобасының маңыздылығы Қазақстан Республикасының тіл саясатын жүзеге асыру, тілді меңгеруге деген қызығушылықты ынталандыру, бәсекеге қабілетті, мемлекеттік тіл және ресми тілді меңгерген үздік аудармашыларды анықтау, аударма саласында тіл мәдениетін жетілдіруді насихаттау бағытында өтті.
Қатысушылар Ресми құжаттарды аудару, Публицистика немесе көркем аударма, Ілеспе аударма, Жаңа терминдер әлемі сынды төрт түрлі шарт бойынша оздырылды.
Сайыс қорытындысы бойынша бірінші орынды Батыс Қазақстан облысы Төтенше жағдайлар департаментінің қызметкері Гүлнұр Исмағұлова, екінші орынды БҚО бойынша мамандандырылған ауданаралық экономикалық сотының бас маманы Игілік Мырзахмет, үшінші орынды Жоғары аграрлық-техникалық колледжінің оқытушысы Айнагүл Сахипова және Бөрлі аудандық аумақтық сайлау комиссиясының хатшысы Лаззат Сыикова иеленіп, бағалы сыйлықтармен, дипломдармен марапатталды.
Фотосуреттерді түсірген Рафхат Халелов
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу