КіруСЕНБІЛІККЕ СЕН ДЕ ҮЛЕС ҚОС
Орал қаласы әкімінің орынбасары Сергей Доляның төрағалығымен 24 тамыз күні өтетін сенбілікке орай жиын өтіп, оған пәтер иелері кооперативінің төрағалары қатысты.
– 1 қыркүйекте қала күні тойланатынын өздеріңіз жақсы білесіздер. Сондықтан осы аптаның сенбісінде сенбілік ұйымдастырылады. Бұл шараға барлық мемлекеттік қызметкерлер мен кәсіп иелері белсене қатысуы керек. Көшелердің барлығын айнадай жарқыратып қоюымыз қажет. Енді осы тұста айта кететін бір мәселе бар: Ол – пәтер иелері кооперативіне қатысты. Көп қабатты пәтерлердің алды тазаланбайды деп, тұрғындардан шағым түсуде, – деді жиында Сергей Доля.
Қала әкімінің орынбасарының бұл уәжіне пәтер иелері кооперативінің төрағалары кей тұрғындар қоқыстарын арнайы қоқыс төгетін жәшікке емес, подъездердің алдына тастап кететіндерін алға тартты. Олардың сөзінше, тұрғындар тазалыққа аса қатты бас қатырмайды-мыс. Тұрғындардың немқұрайлығынан әбден мезі болдық дейді ПИК төрағалары.
Есенжол ЕЛЕКЕНОВ
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу