КіруМЕКТЕПКЕ ДАЙЫНДАДЫ
Батыс Қазақстан облысында «Nur Otan» партиясының «Бақытты отбасы» партиялық жобасы аясында «Баланы мектепке дайындайық» акциясы басталды.
Акция Батыс Қазақстан облыстық филиалы мен «Jas Оtan» Жастар қанатының ұйымдастыруымен өтті. Шара барысында «Балаларға базарлық» тегін үйірмелер орталығы бүлдіршіндерге мерекелік көңіл-күй сыйлап, Мишка тедди мен өрмекші адам аз қамтылған және көпбалалы отбасыларын ан шыққан 137 мектеп оқушысына сыйлықтар табыстады.
– «Баланы мектепке дайындайық» акциясы «Бақытты отбасы» партиялық жобасы аясында дәстүрлі іс-шараға айналды. Бұл игі істің басты мақсаты – балаларды мектепке дайындауға мүмкіндігі келмейтін көпбалалы және аз қамтылған отбасыларға көмектесу. Жалпы елімізде «Nur Otan» партиясының бастамасымен атқарылып жатқан игі істер жеткілікті. Соның ең басты бағыты білімді, білікті ұрпақ тәрбиелеу, – деп атап өтті «Nur Otan» партиясы облыстық филиалы төрағасының бірінші орынбасары Мұрат Мұқаев.
Шара барысында «Балаларға базарлық» балалар мерекесін ұйымдастыру орталығы бүлдіршіндердің көңілін сергітіп, жиналғандар «Қажымұқан» анимациялық фильмін бірге тамашалады.
Ерлік ШАМҒАЛИ, «Jas Оtan» ЖҚ облыстық филиалының менеджері
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу