КіруӘдебиетке құрмет – руханиятқа құрмет
Кітап – ұлттың рухани жадын сақтап, ұрпақты тағылым мен танымға жетелейтін құндылық. Оқырман мәдениетін қалыптастыру, жастардың кітапқа деген қызығушылығын арттыру бағытында елімізде түрлі мәдени-ағартушылық жобалар жүзеге асырылып келеді. Соның бірі – «Кітап оқитын ұлт» жобасы.
Осы жоба аясында Х. Есенжанов атындағы облыстық балалар және жасөспірімдер кітапханасында жазушы-журналист, халықаралық «Алаш» әдеби сыйлығының лауреаты, «Құрмет» орденінің иегері Мира Хамзақызы Шүйіншәлиеваның шығармашылығына арналған әдеби lounge ұйымдастырылды.
Кездесудің негізгі мақсаты – өлке қаламгерлерінің шығармашылық мұрасын кейінгі буынға таныстыру, жастардың көркем әдебиетке қызығушылығын арттыру және оқырман мен қаламгер арасындағы рухани байланысты нығайту. Еркін форматта өткен әдеби басқосу барысында Мира Шүйіншәлиеваның әдебиеттегі өзіндік қолтаңбасы, шығармашылық жолы мен қаламгерлік ізденістері туралы кеңінен сөз болды.
Әдеби кешке кітап пен көркем сөзді жанына жақын көретін студент жастар мен мектеп оқушылары қатысып, қаламгердің шығармаларымен жақынырақ танысты. Жас оқырмандар үшін мұндай кездесулердің маңызы зор. Себебі кітапты тек оқып қана қоймай, оның авторы мен шығармашылық әлемі туралы тікелей мағлұмат алу әдеби туындыны тереңірек түсінуге мүмкіндік береді.
Кездесу барысында қаламгердің «AbaiTV» телеарнасындағы «Сарасөз» бағдарламасына берген сұхбатынан үзінділер де оқырман назарына ұсынылды. Бұл арқылы қатысушылар жазушының әдебиетке, шығармашылыққа және қоғамдағы рухани құндылықтарға қатысты ой-пікірлерімен танысты.
«Кітап оқитын ұлт» жобасының негізгі мәні де осында – қоғамда кітап оқу мәдениетін қалыптастырып, ойлы оқырман қатарын көбейту, жастардың таным көкжиегін кеңейту және рухани құндылықтарды дәріптеу. Ал жергілікті қаламгерлердің шығармашылығын кеңінен насихаттау – туған өлкенің әдеби мұрасын ұлықтаудың маңызды бір жолы.
Осындай мазмұнды әдеби кездесулер арқылы кітапхана тек кітап сақтайтын мекеме ғана емес, оқырман мен қаламгерді тоғыстыратын, пікір мен парасатты ұштастыратын рухани орта екенін көрсетіп келеді. Кітапқа деген құрмет – сөз өнеріне, ал сөз өнеріне деген құрмет – ұлттық руханиятқа деген құрмет.
Жас ұрпақты кітап оқуға баулу, қаламгер еңбегін бағалау және әдеби мұраны дәріптеу – рухани кемел қоғам қалыптастырудың маңызды негіздерінің бірі. Мұндай кездесулердің жалғасын табуы оқырман мәдениетінің дамуына және әдебиетке деген сүйіспеншіліктің арта түсуіне жол ашады.
Ә.Бақытжанқызы
Соңғы жаңалықтар
Бөкей ордасының 225 жылдығына орай салтанатты жиын мен мерекелік концерт өтті
«ӘДІЛЕТ» ПАРТИЯСЫ ӘЛЕУМЕТТІК ОСАЛ САНАТТАҒЫ ЖАСТАРҒА 10 БІЛІМ ГРАНТЫН ҰСЫНАДЫ
15 граждан привлечены к ответственности за незаконное нанесение граффити в ЗКО
Президент Қ.К.Тоқаевтың «Handelsblatt» іскерлік басылымына жарияланған мақаласы
«Сыбайлас жемқорлықсыз болашақ» тақырыбында сурет және постерлер байқауы өтті
Маңғыстау облысындағы оқу-жаттығу жиыны кезінде қаза тапқан әскери қызметшілер ҚР мемлекеттік наградаларымен марапатталды
Маңғыстау облысында болған қайғылы оқиға салдарынан қаза тапқан Батыс Қазақстан облысының әскери қызметшілерін жерлеу рәсімдері өтті
Air Astana Каспийде қаза тапқан әскери қызметшілердің отбасын тегін тасымалдайды
Маңғыстау облысында әскери қызметшілердің қаза болу жағдайын Үкіметтік комиссия тексеруде
Каспий теңізінде жоғалған екі әскери қызметшінің денесі табылды: іздестіру операциясы аяқталды
БҚО-да 129 әлеуметтік нысан салынып, медицинаға жасанды интеллект енгізілуде
