КіруЖаппай төбелестің соңы…
БҚО Бәйтерек ауданының Шәпов ауылында жасөспірім өзінен бір жас кіші оқушыны ұрып өлтірді. Осыдан бір күн бұрын 8-9 сынып оқушылары арасында төбелестің соңы қайғылы оқиғамен аяқталып, 7 сыныптың оқушысы қаза тапты. Полиция бұл іске кінәлі деп танылған 14 жасар мектеп оқушысын қамауға алды.
Бәйтерек ауданы Шәпов ауылының учаскелік инспекторының айтуынша жанжалға он шақты бала қатысқан. Оның екеуі колледж студенті.
БҚО Полиция департаменті оқиғаның 28 мамыр күнге қараған түні тіркелгенін мәлімдеді. Осы құқық бұзушылықты жасады деген күдікпен 2008 жылы туған жасөспірім қамауға алынған. Аталмыш дерек бойынша сараптама тағайындалып, сотқа дейінгі тергеу амалдары басталған. Бұл жағдай сотқа дейінгі тергеп-тексерулердің бірыңғай тізілімінде тіркелді. ҚР ҚПК-нің 201-бабына сәйкес өзге ақпарат жариялануға жатпайды. Қолда бар ақпаратқа сүйенсек, жаппай төбелеске қатысқан жасөспірімдер ауылдағы Бауыржан Момышұлы атындағы мектептің оқушылары көрінеді.
Айнара ИСА
Өшпенділіктің соңы өлімге апарды. Адамдар не болып барады?! Ауруханада көз жұмған жеткіншектің обалы кімге?! Ата-анасына қайғыра көңіл айтқанмен, өкініштің орны енді қайтіп тола ма?! Бұл мәселеге алып-қосарыңыз болса, пікір қалдырыңыз, оқырман?!
«Жайық Үні»
Версия для печатиСоңғы жаңалықтар
Мал сою орындарының 70 пайызында бейнебақылау камералары орнатылды
Жолдау-2023: Жолдауда айтылатын міндеттің бәрі үш жылдың ішінде орындалуы тиіс
Пікір үстеу