КіруЖалған құжатпен балық сатқан
БҚО ПД Ұйымдасқан қылмысқа қарсы күрес басқармасының қызметкерлері Орал қаласында балық пен бекіре тұқымдас балықтардың уылдырығын сатумен айналысатын заңсыз арнаны анықтады.
Тексеру барысында ұсталған қылмыстық топ Батыс Қазақстан облысында бекіре тұқымдас балықтарды заңсыз сатумен айналысқаны белгілі болды. Олар балық өнімдерін жалған құжаттарымен Орал қаласындағы орталық базарларына әкеліп сатқан.
Жедел-іздестіру шаралары барысында 1520,55 кг бекіре балығы, 27,3 кг қызыл және 1,25 кг қара уылдырық, сондай-ақ жалпы сомасы 2 млн 705 мың теңге және 35,8 мың рубль қаражаты, сондай-ақ, тапанша, оқ-дәрілер, электронды таразы, пышақ, дүрбі табылып, тәркіленді.
Ұсталған азаматтар Батыс Қазақстан облысының тұрғындары екені анықталды.
Аталған факті бойынша ҚР ҚК-нің 339-бабы 2-бөлігі (Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу) бойынша сотқа дейінгі тереп-тексеру жұмыстары басталды.
Заң бұзғандарға қатысты қозғалған іс жан-жақты тексеріліп жатыр.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
