КіруЗАҢСЫЗ ШЫРША САТҚАНДАР ЖАУАПҚА ТАРТЫЛДЫ
Оралда шыршаларды белгіленбеген орында сатқаны үшін 10 азамат әкімшілік жауапкершілікке тартылды.
11 желтоқсаннан бастап БҚО ПД ЖПҚ басқармасының табиғатты қорғау полициясы қызметкерлері орман шаруашылығын қорғау органдарымен бірлесе Жаңа жыл алдында қылқан жапырақтұқымдас ағаштарды заңсыз түрде кесу, дайындау, сату шараларының жолын кесу мақсатында облыс аумағында рейд жүргізуде.
Қылқан жапырақты ағаштарды заңсыз шапқандарға ҚР Қылмыстық Кодексінің 340-бабымен жауапкершілік қаралған. Яғни тәртіп бұзғандар 200 АЕК-ке дейінгі мөлшерде айыппұл төлейді немесе сол көлемде түзету жұмыстарына, 180 сағаттық қоғамдық жұмысқа тартылуы немесе 60 тәулікке тұтқындалуы мүмкін.
БҚО ПД баспасөз қызметі хабарлағандай, бүгінде тәртіп сақшылары белгіленбеген орында қылқан жапырақтарды сатқаны үшін 10 саудагерге ҚР Әкімшілік Кодексінің 204-бабына сай ескерту жасаған.
Айта кету керек, қылқан жапырақты жас ағаштар облысымызға Ресей Федерациясынан рұқсат құжаттарына сәйкес жеткізіледі. Әрі Орал қаласы кәсіпкерлік бөлімі бекіткен орындарда сатылуы тиіс. Қазіргі уақытта шаһарда қылқан жапырақты ағаштарды сатуға арналған 31 сауда орны бар.
Елмұра АСХАТҚЫЗЫ
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу