КіруТәуелсіздік күніне орай медициналық нысан ашылды
Президентіміз Қасым-Жомарт Кемелұлы Тоқаевтың тапсырмасына сәйкес Үкімет қаулысымен өткен жылдың соңында «Ауылда денсаулық сақтауды жаңғырту» пилоттық ұлттық жоба аясында 2023-2025 жылдары Батыс Қазақстан облысында 50 медициналық нысан салу жоспарланған. Бүгінде биылға жоспарланған 12 нысанның бесеуі халық игілігіне берілді.
Бүгін Тәуелсіздік күні мерекесі қарсаңында Теректі ауданына қарасты Сарыөмір ауылында БҚО әкімі Нариман Төреғалиев қатысуымен 6-шы нысан есік ашты. Бұл нысанды салуға республикалық бюджеттен 374 млн теңгеге жуық қаражат бөлінді. Құрылыс мерзімі төрт ай болса да, “Фирма ИСКОМ” ЖШС мердігер компаниясы белгіленген мерзімнен ерте аяқтады.
Аталған дәрігерлік амбулатория күніне 35 адам қабылдай алады, заманауи медициналық құралдармен жабдықталған, ауыл тұрғындар арасында 22 адам тұрақты жұмыспен қамтылады. Дәргерлік амбулатория емдеу-профилактикалық объектісі болып саналады, ішінде жалпы дәрігерлік–профилактилық дәрігер кабинеті, процедуралық, физиотерапевттік, тіс емдейтін кабинеттер, акушер-гинеколог кабинеті, зертханалар мен дәріхана, сонымен қатар, дені сау баланың кабинеті және тағы да басқа қарастырылған.
Жалпы биыл облысымызда денсаулық сақтау жүйесін қаржыландыруға 92 млрд. теңге қарастырылды. Осы жылы 5,5 млрд. теңгеге медициналық жабдық сатып алу жоспарланған. Қазіргі таңда 204 бірлік медициналық жабдық алынды. Сондай-ақ, облыста медициналық ұйымдарға жергілікті бюджет есебінен 1,7 млрд теңгеден астам қаражат бөлініп, 81 жедел жәрдем автокөлігі сатып алынды.
Жалпы сомасы 1 млрд, 733 млн теңгеге жуық қаржыға 22 денсаулық сақтау нысанына күрделі жөндеу жұмыстары жүргізілуде, оның ішінде «Ауыл – ел бесігі» жобасы аясында 6 нысан бар. 18 нысан бойынша жөндеу жұмыстары аяқталды.
Өңір басшысы ауыл түрғындарын ел дамуына, ұлтымыздың денсаулығы зор болуына, өмір сапасын арттыруға бағытталған жаңа нысанның ашылуымен және келе жатқан Тәуелсіз күнімен құттықтай отырып, тарихи маныздылығына тоқтап, елімізге береке-бірлік, әр отбасыларына амандық тіледі.
БҚО әкімдігінің баспасөз қызметі
Версия для печатиСоңғы жаңалықтар
Қазақстан Республикасының Президенті Қасым-Жомарт ТОҚАЕВ: МАҚСАТЫМ – ЭКОНОМИКАНЫ ЖӘНЕ ЕГЕМЕНДІКТІ НЫҒАЙТУ
Ақын-жазушылардың шығармашылығын қолдау – қоғамның рухани дамуының негізі
NABICOM – ШАЛҒАЙ АУЫЛДАР ҮШІН ИНТЕРНЕТ ЖӘНЕ БЕЙНЕБАҚЫЛАУ!
Хадиша Бөкеева атындағы облыстық қазақ драма театрының жаңа маусымы көрермендерге тың туындылар тарту етуде.
