КіруШЕТЕЛДІК ЖОЛАУШЫЛАР ЖОЛДА ҚАЛДЫ
«Самара-Шымкент» автотрассасымен келе жатқан «Vanhool» маркалы жолаушылар автобусы Сырым ауданының тұсында сынып, 23 жолаушы жолда қалған.
БҚО төтенше жағдайлар департаменті мамандарының хабарлауынша, бүгін, 22 қараша күні таңғы сағат 7.06-да БҚО ТЖД және жергілікті атқарушы орган өкілдері жолда қалған шетелдік 23 жолаушыны эвакуациялап, «Қазавтожол» АҚ №39 ДЭУ базасындағы жылыту пунктіне орналастырған. Олардың 21-і өзбекстандық, екеуі – Тәжікстанның азаматтары екен. Зардап шеккендер жоқ.
Автобустың әуе компрессорының бұзылғаны анықталды. Ақау жойылып, жолаушылар сапарларын жалғастырып кеткен.
Құтқарылғандар қатарында болған Тәжікстан Республикасының азаматы Шокир Хужамалиев пен Өзбекстан Республикасының азаматы Юсуфбек Косимов ТЖ және жергілікті атқарушы органдардың қызметкерлеріне жедел көмектері үшін шынайы алғысын білдірді.
Соңғы жаңалықтар
«Су тасқынынан зардап шеккендерге өтемақы төлеуде жеделдік қажет»
Батысқазақстандық полиция қызметкерлеріне гуманитарлық көмек жіберілді
Пікір үстеу