КіруСАУДА ҮЙІНЕН КОНФЕТ ҰРЛАҒАН (видео)
Жуықта Орал қаласы Полиция басқармасының криминалдық полиция бөлімі мен Абай Пб криминалдық полиция бөлімінің жедел уәкілдері дүкендерге ұрлыққа түсіп, сөрелерінен азық-түлік тауарларын ұрлаған күдіктіні қолға түсірді. Бұл туралы Орал қаласы Полиция басқармасының баспасөз қызметкері Гүламан Есмағұлова хабарлады.
12 сәуірде, тәуліктің екінші жартысында, сағат 16.00-де ол «Анвар» ірі сауда орнына кіріп, тамақ сатып алмақшы ниетпен аралап жүрген. Төңірегінде бейтаныс адамдар жоғына көзі жеткен соң, дүкен сөресіне қол жүгіртіп, керектерін курткасының ішкі жағына салып, толтырған. Әуелі «Мерси» маркалы конфеттерге көзі түсіп, қызыққан. Сатып алатын ақшасы жоқ болған соң, ептеп ұрламаққа бел шешкен. Бірнеше бума конфеттерді қойынына тоғыта салған. Сауда үйінің иесіне 8 230 теңге материалдық шығын келді. Бұл күдіктінің ұрлыққа жол берген әрекеттері СҮ ішіндегі бейнекамераға жазылып қалыпты. Бейнетаспа бойынша жұмыстанған жедел уәкілдер 1991 жылғы, еш жерде жұмыс жасамайтын, бұрын бірнеше рет құқық бұзған, қала тұрғыны Ч. есімді тұлғаны анықтады. Бейнетаспадан өзін, сөреден алған конфеттерді қойынына салып жатқанын көріп, мойындамасқа лажы қалмады. Алайда, ұрланған заттар бұл азаматтан табылмады, өз қажетіне жаратып үлгерген екен.
Осылайша, 4 рет ұрлыққа барған.
Бүгінгі күні ұрлыққа жол берген іс-әрекеті Қазақстан Республикасы қылмыстық кодексінің 187-бабының 2-бөліміне сай, меншікке қарсы қылмыстық құқық бұзушылықтар, ұсақ-түйек жымқыру деп танылды.
Абай Пб 4 эпизодпен қылмыстық іс қозғады. Тергеу амалдары жүргізілуде.
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу