КіруПРЕЗИДЕНТ ШЫРШАСЫНА 180 БАЛА ҚАТЫСТЫ
Орал қаласында Қазақстан Республикасы Президенті Н.Назарбаевтың атынан ұйымдастырылған шыршаға 180 бала қатысты. Олар – 9 бен 13 жас аралығындағы ата-аналарының қамқорлығынсыз қалған, даму мүмкіндігі шектеулі балалар, аз қамтылған және көп балалы отбасыларынан шыққан балалар мен оқу озаттары мен дарынды балалар.
«Жарқыра, Қазақстан» атты мерекелік думан Х.Бөкеева атындағы қазақ драма театрында өтті. Балаларға жақсы таныс ертегі және мультфильм кейіпкерлері жасанған жасыл шырша жанында балақайларға көтеріңкі көңіл күй сыйлады. Алтын ханшайым, Ер, Төс, Би, Эльза мен Анна және Аққала, Пеппа мен Фредди, Барбоскиндар жанұясынан Дружок пен Лиза да мерекеден табылып, театрландырылған қойылым арқылы балаларды жақсылық жасауға үндеді. Әдеттегідей, Жаңа жылдың басты кейіпкерлері – Аяз Ата, Ақшақар, Ескі жыл – Ит пен Жаңа жыл – Доңыз ортаға шығып, бүлдіршіндерді айтулы мерекемен құттықтап, жылы лебіздерін білдірді.
Еліміздің бас шыршасына арнайы шақыртумен келген өрендер Елбасы Нұрсұлтан Назарбаевтың құттықтауын бейнеүндеу арқылы тыңдады. Шырша мерекесіне облыс әкімі Алтай Көлгінов те қатысып, балалармен бірге шыршаны айналып, мерекелеріне ортақтасты.
– Елбасымыз Нұрсұлтан Әбішұлы Назарбаев балаларға әрдайым қамқорлық көрсетілетінін, білімге құштар балғындарға қолдау жасалатынын айтты. Спортпен, шығармашылықпен айналысып, тілдік дағдыларыңызды жетілдірулеріңіз үшін мүмкіндік жасалуда. Алдағы уақытта сіздерді көп жетістіктер күтіп тұр. Сабақты жақсы оқып, білімдеріңізді жетілдіре түссеңіздер, болашақта туған-туыстарыңызға, мемлекетімізге пайдалы іс атқаратындарыңа сенемін. Осы мерекеде сіздерге армандарыңыздың орындалуын тілейімін. Ата-аналарыңыздың, ұстаздарыңыздың үмітін ақтайтын, биік шыңдарды бағындыратын азамат болуларыңызды тілеймін, – деді Алтай Сейдірұлы.
Жаңажылдық шыршаға қатысқан әр балаға Елбасының атынан сыйлықтар мен қысқы жылы киімдер, сөмке және Н.Зеньковичтің «Назарбаевтай болғым келеді» кітабы берілді.
Сондай-ақ балғындар «Body-Art» «Barber-shop» шебер-сыныптарына қатысып, «Magic land», «Funky Town» ойын-сауық орталығына саяхат жасады. Мерекелік дастарханнан соң «Musical fireworks» караоке-сазды кешіне қатысып, күнді қызықты өткізді. Мемлекет басшысының қолдауымен ұйымдастырылған жаңажылдық мереке әр баланың жадында ұзақ уақыт сақталып қалары анық.
.
Облыстық білім басқармасы басшысының орынбасары Нұрлан Ғабдушевтің айтуынша, мерекені ұйымдастыруға жалпы 16,6 млн. теңге бөлінген. Әр балаға 85 мың 300 теңгеге сыйлық алынған.
Эльмира НҰҒМАНОВА
Версия для печатиСоңғы жаңалықтар
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу