КіруОРАЛДА ҚАТТЫ ТҰРМЫСТЫҚ ҚАЛДЫҚТАРДЫ СҰРЫПТАУ КЕШЕНІ ІСКЕ ҚОСЫЛАДЫ
Орал қаласында финдік-қазақстандық консорциумымен қатты тұрмыстық қалдықтарды басқару жобасы қолға алынды. Бүгін халық алдындағы есеп беру кездесуінде қала әкімі Мұрат Мұқаев жобаның жүзеге асырылуы туралы баяндап, ҚТҚ полигоны жаңа орынға көшірілетінін мәлім етті.
– Қазіргі уақытта қатты тұрмыстық қалдықтар полигоны консорциумға сенімгерлік басқаруға берілді. Сондай-ақ қалдықтарды сұрыптау желісі құрылысын үшін 5 гектар жер бөлінді. Бүгінде үш корпустың құрылысы тәмам. Оның біреуі – жүктерді түсіруге, екіншісі – сұрыптау, үшіншісі – қайталамашикізат қоймасы болады. Кешен бойынша барлық жабдықтар әкелінді. Монтаждау жұмыстары жүруде. Жақын күндері іске қосылады, – деді қала басшысы Мұрат Рахметұлы.
Жоба аясында екінші деңгейлі шикізатты өңдеу жобасы жүзеге аспақ. Олардың барлығы кезең-кезеңімен атқарылады.
Сондай-ақ қала әкімі қатты тұрмыстық қалдықтарға арналған жаңа полигон үшін жер телімі белгіленгенін атап өтті. Оның техникалық-экономикалық негіздемесі жасақталған. Жаңа полигон қаладан қашықта, яғни 18 шақырым жерде орналаспақ. Бұрынғы қоқыс полигоны көмілетін болады.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу