КіруМемлекеттік емес ұйым өкілдерімен кездесті
Бүгін, сәуірдің 29-ы күні Достық үйінде Қазақстан Республикасы денсаулық сақтау министрі Ажар Ғиният үкіметтік емес ұйымдардың өкілдерімен кездесті.
Басқосуды облыс әкімінің орынбасары Бақытжан Нарымбетов ашып жүргізді. Жиында сөз сөйлеген денсаулық сақтау министрі Ажар Ғиният медицина саласындағы атқарылған жұмыстарға тоқталды.
– Мемлекет басшысы Қасым-Жомарт Тоқаевтың Жарлығымен бекітілген бағдарлама бойынша алты бағыттағы жоба бойынша міндеттерді жүргізіп келеміз. Ең алдымен ескі ғимараттарды жаңа обьектілермен ауыстыру, ауылдардағы фельдшерлік-акушеркаық медициналық пункттерді салу. Ауылда 50-ден астам және 500-ден 1000-ға дейін тұрғыны бар жерге пункттер салу. Бұл мәселені басшылар өздеріңіз шешесіздер. Онкологиялық ауруларды отасыз емдеу үшін жаңа аппараттар сатып алуды қарастырып жатырмыз. Қала тұрғындарының ең көп шағымданатын сауалдары: дәрігерге қаралу үшін кезектің ұзақ болуы. Осы мәселені шешу бағытында учаскелік дәрігерлердің жолдамасымен қаралуын ескеру міндетті. Озық тәжірибелі дәрігерлерді дайындау мақсатында шетелге тәжірибе алмасуға көптеп жіберу қарастырылуда. Алғашқы медициналық көмекті жақсарту керек. Ана мен баланың денсаулығы жіті назарда. 2020 жылы пандемия кезінен бастап, МӘМС жүйесі жақсы қаржыланды. Жаңа технологиялық аппараттар шетелден қомақты қаржыға сатып алынды. Әсіресе, әр түрлі ісік ауруларын отасыз жоятын аппараттар пайдалануда. Көп бейінді аурухана салу мәселесі шешімін табады. Кешенді медициналық көмек алу үшін хирургия орталығын заманға сай өзгерту алда уақытта жүзеге асады. Сондай-ақ толық автоматтандыру, цифрландыруды қолға алып, осы бағытта біркелкі жұмыстар атқарылуда. Елімізде әйелдердің орташа жасы – 78, ер адамдардікі – 73жас, – деді денсаулық сақтау министрі Ажар Ғиният.
Жиналыстың соңында аталмыш саладағы түйіткілді мәселелер туралы қойылған сауалдарға Ажар Ғиният тұщымды жауап беріп, бірқатар мамандарға тапсырмалар жүктеді.
Гүлжан АЯЗБАЕВА
Версия для печатиСоңғы жаңалықтар
Орал қаласының әкімі Миржан Сатқанов денсаулық жағдайына байланысты өз еркімен жұмыстан босатылды.
Пікір үстеу