КіруМҰЗ КЕПТЕЛІСІН БОЛДЫРМАУ ҮШІН
БҚО ТЖД қызметкерлері өзендерде ойықтар ою жұмысын жүргізуде.
Бүгін №6 жедел құтқару бөлімшесінің қызметкерлері Жайық өзенінде бұрғылау құралдары арқылы мұзды оюға кірісті. Бұл – су тасқының алдын алу және мұз кептелісін болдырмау үшін жасалып жатқан шаралардың бірі. Сала мамандарының сөзінше, мұз ойылған жерлер қатып қалған жағдайда еш қиындық туындамайды, себебі мұздың құрылысы тез бұзылуға ұшырайды және су деңгейі көтерілген кезде мұз опырылып, мұз кептелісінің болу мүмкіндігі әлсірейді. Қазіргі таңда өзенде 240 ойық ойылды.
Бұған дейін департамент көп жылдық мониторингке сәйкес Батыс Қазақстан облысы бойынша 36 мыңнан астам халық тұратын 85 елдімекен су тасқыны қаупінде екенін мәлім еткен болатын. Су басудың жоғары деңгейі 27 елді мекенге қауіпті болса, 50 елдімекенге орташа деңгейде қауіп бар. Ал сегіз елдімекенге төменгі деңгейде қауіп болады.
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу