КіруХАЛЫҚ САНАҒЫ КЕЗІНДЕ АЗАМАТТАРҒА 87 СҰРАҚ ҚОЙЫЛАДЫ
Биылғы жылдың 1 қыркүйегі мен 30 қазаны аралығында Қазақстанда жалпыұлттық халық санағы өтеді.
Биыл ұлттық халық санағында санақ парақтарына енгізілген сұрақтар саны айтарлықтай толыққан. 67 сұрақ және 20 нақтылайтын ішкі сұрақтар енгізілген. Яғни, ұлттық халық санағын өткізу кезінде Қазақстан азаматтарына 87 сұрақ қойылады.
– 2009 жылғы санақтан айырмашылығы тілді білу, отбасылық жағдай, бала туу және жұмыспен қамту мәселелері кеңейтілді. Біріккен Ұлттар Ұйымының Вашингтон тобы мүгедектік статистикасы бойынша ұсынылған денсаулық сақтау статистикасында халықаралық ынтымақтастықты кеңейтуге бағытталған, халық санағында қолдануға жарамды мүгедектік критерийлеріне бағытталған жаңа сұрақтар бар, – деп толықтырды Болтай Әлімбаева.
Ұлттық халық санағы санақ парақтары бойынша өтеді. «1-ПП «Тұратындар және (немесе) келушілер тізімі» парағына елде тұрақты тұратын, уақытша болмағандар мен уақытша тұратындар және (немесе) келушілерді қоса үй шаруашылығының құрамына кіретін респонденттер енгізіледі. Сондай-ақ шетелде тұрақты тұратын, Қазақстан Республикасының аумағында уақытша 12 айдан кем жүрген респонденттер қамтылады. «2-Ж Тұрғын үй жағдайлары» парағы әр үй шаруашылығының тұрғын үйінің жағдайларын сипаттайды. «3-И Жеке» елде тұрақты тұратын, уақытша жоқ және уақытша тұратын немесе келгендерді қоса, үй шаруашылығының құрамына кіретін әр респондентке толтырылады. «3-И Жеке» санақ парағының жобасы тоғыз бөлімнен тұрады. Бұлар – жалпы сипаттамалар, этномәдени сипаттамалар, білім және сауаттылық, көші-қон, некелік жағдай, туу, жұмыспен қамтылу, күнкөріс көздері, тіршілік қызметінің шектеулері. «4-В Қазақстан Республикасының аумағында уақытша, 12 айдан кем жүргендер» (шетел азаматтары, азаматтығы жоқ адамдар, тұрақты негізде шетелде тұратын Қазақстан Республикасының азаматтары) парағы шетелде тұрақты тұратын, бірақ уақытша Қазақстан Республикасының аумағында жүрген әр респондентке толтырылады.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу