Кіру«CТУДЕНТТЕРДІҢ ҮЙДЕ БОЛУЫН ҚАДАҒАЛАП, АТА-АНАЛАРМЕН ТҰРАҚТЫ БАЙЛАНЫСТАМЫЗ»
2020 жылы коронавирус індеті жер әлемді әуре-сарсаңға салды. Жаһан жаңа белеске аяқ басқан шақта індет көптеген халықтың өз құндылықтарын қайта қарауына, ой елегінен өткізуге себеп болды. Бүгінде дүниежүзін жайлаған індетке қарсы тұру үшін әлем бірігіп әрекет етуде.
Мемлекет мерейі – мығымдығында. Біз қазақ халқы – қай заманда да қайсар рух пен өрліктің туын жоғары ұстаған халықпыз. Ал бүгінгі төтенше жағдайда татулық таразысының теңселмеуі, ең алдымен халықтың сабырлығы мен төзімділігіне байланысты болмақ. Ешқандай да араңдатушылыққа бой алдырмай, тәртіп пен қатаң ережені сақтай отырып, бір-бірімізге барынша қолғабыс ету арқылы бұл індетті жеңбекпіз.
Біз ендеше бірге бола отырып, алдымыздағы қиындықтарды бірлесе жеңуіміз қажет. Қауіпті індетпен күрескен әлем елдері бірігіп, бар күш-қуаты мен ғылым-білімдерін паш етуде. Біз де кемел келешек жолында еліміздің дамуына үлес қосу үшін жас ұрпақты оқыту мен тәрбиелеу, оларға дұрыс жол сілтеу біздің міндетіміз. Орал ақпараттық технологиялар колледжінде педагогтар мен білім алушыларға қашықтықтан білім беру кезіндегі барлық мүмкіншіліктер жасалуда. Біздің педагогтар WhatsApp, Telegram әлеуметтік желілер мен Google Classroom платформасының мүмкіндіктерін пайдалана отырып, бейне сабақтар, презентациялар мен тапсырмалар арқылы білім беруде. Студенттердің үйде болуын бақылауда ұстап, үнемі ата-аналарымен тығыз байланыстамыз. Оқытушыларымыз ерекше қажеттілікті талап ететін білім алушыларымызға да арнайы жұмыстарды жүйелі жүргізуде.
Бірлескен жұмыс қана осындай кезеңде тығырықтан жол тауып шығары ақиқат.
Нурлан СҰЛТАНОВ, Орал ақпараттық технологиялар колледжінің директоры
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу