Кіру«Бірлік пен келісім жолындағы 30 жыл»
Бүгін, осындай атаумен «Атамекен» өнер ордасында мерекелік шара өтті. Алдымен, фоеде түрлі ұлт өкілдерінің «Бірлік мұрасы» атты көрмесі жасақталды. Іс-шараға Батыс Қазақстан облысының әкімі, БҚО Қазақстан халқы Ассамблеясының төрағасы Нариман Төреғалиев қатысып, құттықтау сөз сөйледі.
Алдымен ауқымды басқосуда өңір басшысы бұл мерекенің тек Ассамблеяның ғана емес, тәуелсіз Қазақстанның ортақ жемісі екенін атап өтті. – Қазақстан халқы Ассамблеясы үш онжылдық ішінде елдің татулығын нығайтып, ынтымағын арттырып, бейбітшіліктің биік тұғырына айналды. Оның басты қағидаттары – бірлік, келісім және өзара құрмет. Ел ішіндегі тұрақтылықты сақтау – барша адамның ортақ міндеті. Сондықтан Ассамблея өз миссиясын жалғастырып, алдағы уақытта да қоғамда татулықты тірек етуді жалғастыра бермек.
Президент Қасым-Жомарт Тоқаев Ассамблеяның 34-сессиясында Ассамблеяның ұлттық бірлікті нығайтатынын атап өтіп, оның еліміздегі маңызы мен стратегиялық рөлін айқындап берді. Ішкі саясаттағы басты бағыт эносаралық қарым-қатынастың үйлесімділігін дамыту, қоғамда келісім мен толеранттылықты дәріптеу, азаматтық бірегейлікті нығайту жұмысына негізделеді. Ассамблеяның 30 жыл ішіндегі ең басты жетістігі – ел ішіндегі бейбітшілікті нығайту. Қазіргі таңда Батыс Қазақстан облысы Қазақстан халқы Ассамблеясының жанында 300-ден астам кеңестер мен орталықтар, 50-ден астам этномәдени бірлестіктер жұмыс істейді. Олар өңірдегі этносаралық келісімді нығайтуға, қоғамдық пікірді тұрақтандыруға, ұлттар құндылықтарын насихаттауға айтарлықтар үлес қосып келеді. Жалпы, жыл басынан бері 200 мыңнан астам адамды қамтыған 1000-нан астам іс-шаралар өткізілді.
Қазіргі таңда жақсылық жасауды өмірлік ұстанымына айналдырған 30-дан астам еріктілік орталығы жұмыс істейді. Биыл «Қайырымдылық керуені», «Мектепке жол», «Жылулық сыйла» акциялары аясында 700-ден астам әлеуметтік жағынан аз қамтылған және көп балалы отбасыларға көмек көрсетілді. Ассамблея жастары да өз бастамаларымен және тың жобаларымен ерекшеленеді. Біз ел игілігі үшін қызмет етуді жалғастыра береміз. Өйткені біздің мақсатымыз – бірлік пен тұрақтылықты сақтау арқылы Отанымыз – Қазақстанның жарқын болашағына өз үлесімізді қосу, – деп Нариман Төреғалиев сөзін игі тілекпен тәмамдады.
«Жайық үні»
Бұл туралы мақаланың толықтай нұсқасын газеттің ертеңгі санынан оқисыздар.
Соңғы жаңалықтар
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Хан тоғайындағы 18 гектар аумақты шарпыған өрт толық сөндірілді
