КіруБІР КҮНДЕ ТОҒЫЗ ҰРЛЫҚ ФАКТІСІ АШЫЛДЫ
Қабылданған шараларға қарамастан ұрлық фактілері азаймай тұр. Мәселен, 26 қаңтар күні батысқазақстандық полицейлер тоғыз ұрлық қылмысын ашты.
26 қаңтар күні 1980 жылғы Ж. есімді азамат үйінен ақша жоғалғаны туралы шағымданған. Полицейлердің іздестіруі арқылы қысқа мерзімде қылмыс ашылды. Күдікті ретінде 1984 жылғы азамат ұсталды. ҚР Қылмыстық Кодексінің 188-бабы 3-бөлімі (пәтер ұрлығы) бойынша сотқа дейінгі тергеу жүргізілуде. Қазір күдікті уақытша ұстау изоляторында отыр, оның басқа қылмыстарға қатысы анықталуда.
Ал Бөрлідегі базарда қайырым жасамақ болған әйел телефонынан айырылып қалған. Өтініш білдірген азаматқа көмек көрсетіп жатқанда, қаскүнем оның телефонын ұрлап үлгеріпті. Аудандық полиция бөлімінің тәртіп сақшылары қылмысты ашты. Бұрын сотталған 1990 жылғы А. есімді азамат ұсталып, Қылмыстық Кодекстің 188-бабы 1-бөлімі (ұрлық) бойынша тергеу амалдары жүргізілуде.
Сондай-ақ тіркелген бірнеше ұсақ ұрлық фактілері ашылды. Атап айтқанда, полицейлер подъезде ұрланған күртені иесіне қайтарды. Чапаев ауылында тұрмыстық ыдыстар ұрланса, Теректі ауданындағы балабақшалардың бірінен кабель жоғалған. Оралдағы Назарбаев даңғылындағы супермаркеттен бірнеше консервідегі ет және 12 қаптамадағы шоколад конфеті қолды болған.
zhaikuni.kz
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу