БҚО-ДА ТАҒЫ БІР АДАМНЫҢ КОРОНАВИРУС ЖҰҚТЫРҒАНЫ АНЫҚТАЛДЫ
20 сәуір күнгі БҚО-дағы мемлекеттік комиссияның шұғыл штабы 58 жасар Орал қаласының тұрғынынан коронавирус анықталғанын хабарлады.
Вирусты жұқтырған адам 58 жастағы Орал қаласының тұрғыны.
Ол коронавирус инфекциясын жұқтырған адаммен қарым-қатынаста болуына байланысты үй карантиніне жатқызылып, зертханалық сынама алынған. ПТР диагностикалық зерттеу қорытындысымен COVID-19 диагнозы нақтыланды.
Қазіргі таңда науқастың жағдайы қанағаттанарлық. Облыстық жұқпалы аурулар ауруханасына орналастырылды. Бекітілген хаттамаға сәйкес тиісті ем жүргізілуде.
Ауру ошақтарында эпидемиологиялық зерттеу, дезинфекциялық жұмыстар жүргізіліп жатыр.
Айта кетейік, облыста коронавирус инфекциясының алғашқы жағдайлары 29 наурызда тіркелді. 20 сәуір күнгі жағдай бойынша облысымызда COVID-19 коронавирустық инфекцияға шалдыққан 63 адам анықталды. Екі науқас сауығып, үйіне шығарылды. Қалған 61-і облыстық жұқпалы аурулар ауруханасында ем алуда.
Версия для печати
Пікір үстеу