КіруБҚО-ДА КОРОНАВИРУСТАН САУЫҚҚАНДАР 40-ТАН АСТЫ
Бүгін Батыс Қазақстан облысында коронавирус инфекциясын жұқтырған 4 адам тіркелді.
Мемлекеттік комиссияның облыстағы шұғыл штабының хабарлауынша, коронавирус инфекциясы анықталған 4 адамның бірі – 1993 жылғы Ресей Федерациясында вахта әдісімен жұмыс істейтін Түркістан облысының азаматы болса, үшеуі жүк тасымалымен айналысатын 1987, 1976 және 1963 жылғы Тәжікстан және Қырғызстан елінің азаматтары.
Ресей Федерациясымен шекарадағы «Сырым» автоөткеліндегі санитарлық-карантиндік бекетте эпидемиолог мамандармен байланыссыз термометрия жасап, сауалнама жүргізу кезінде денсаулыққа шағымдары болмаған. Бас мемлекеттік санитариялық дәрігерінің 30.04.2020ж. №35 Қаулысына сәйкес, жүк тасымалдаушыларға экспресс диагностика жасалынып, оң нәтиже көрсеткендіктен, СКП эпидемиологтары жедел жәрдем шақырып, карантиндік және провизорлық стационарларға жатқызылды.
ПТР диагностикалық зерттеу қорытындысымен барлығында да COVID-19 диагнозы нақтыланып, облыстық жұқпалы аурулар ауруханасына орналастырылды. Науқастармен қарым-қатынаста болған адамдар анықталып, барлығы медициналық бақылауға алынды.
Ауру ошақтарында дезинфекциялық жұмыстар жүргізілді. Эпидемияға қарсы шаралар жалғасуда.
Айта кетейік, облыста коронавирус инфекциясының алғашқы жағдайлары 29 наурызда тіркелді. 6 мамыр күнгі жағдай бойынша облыста коронавирусты жұқтырған 203 адам тіркелді. 41-і сауығып, үйіне шығарылды.
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу