КіруБҚО-ДА КОРОНАВИРУС ЖҰҚТЫРҒАНДАР 90-НАН АСТЫ
Бүгін Батыс Қазақстан облысында коронавирус инфекциясын жұқтырған алты адам тіркелді.
Бесеуі Ресей Федерациясында вахта әдісімен жұмыс істейтін азаматтар. Олардың үшеуі -Батыс Қазақстан облысының, ал екеуі-Түркістан облысының тұрғындары.
Бұл азаматтар Ресей Федерациясымен шекарадағы «Тасқала» автоөткелінен өткенде санитарлық-карантиндік бекетте эпидемиолог мамандар байланыссыз термометрия және сауалнама жүргізу кезінде олардың денсаулыққа шағымдары болмаған. Алгоритмге сәйкес, СКП эпидемиологтары жедел жәрдем шақырып, азаматтар карантиндік стационарға жатқызылды.
Сонымен қатар, коронавирус инфекциясы анықталған алтыншы адам 54 жастағы азамат — Орал қаласының тұрғыны. Ол өзіне дейін коронавирус инфекциясын жұқтырған адаммен қарым-қатынаста болуына байланысты карантиндік стационарға жатқызылып, зертханалық сынама алынған.
ПТР диагностикалық зерттеу қорытындысымен 6 адамда да COVID-19 диагнозы нақтыланды.
Барлығы да облыстық жұқпалы аурулар ауруханасына орналастырылды.
Науқастармен қарым-қатынаста болған адамдар анықталып, барлығы медициналық бақылауға алынды. Ауру ошақтарында дезинфекциялық жұмыстар жүргізілді. Эпидемияға қарсы іс-шаралар қолға алынған.
24 сәуір күнгі жағдай бойынша облыста COVID-19 коронавирус инфекциясын жұқтырғандар 92 адамға жетіп отыр.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу