КіруБҚО-ДА КОРОНАВИРУС ЖҰҚТЫРҒАНДАР 198-ГЕ ЖЕТТІ
Бүгін Батыс Қазақстан облысында коронавирус инфекциясын жұқтырған 4 адам тіркелді.
Мемлекеттік комиссия шұғыл штабының мәліметінше, коронавирус инфекциясы анықталған 4 адамның бірі – 1999 жылғы Атырау облысындағы Теңіз кен орнында жұмыс істейтін азамат болса, 3-і Ресей Федерациясынан келген 1998 және 1990, 1977 жылғы Батыс Қазақстан облысының тұрғындары.
Ресей Федерациясымен шекарадағы «Сырым» және «Ақсай» автоөткелдеріндегі санитарлық-карантиндік бекеттерде эпидемиолог мамандармен байланыссыз термометрия жасап, сауалнама жүргізу кезінде біреуінен басқасының денсаулыққа шағымы болмаған. Алгоритмге сәйкес, СКП эпидемиологтары жедел жәрдем шақырып, карантиндік және провизорлық стационарларға жатқызылды.
ПТР диагностикалық зерттеу қорытындысымен COVID-19 диагнозы нақтыланып, облыстық жұқпалы аурулар ауруханасына орналастырылды.
Науқастармен қарым-қатынаста болған адамдар анықталып, барлығы медициналық бақылауға алынды.
Ауру ошақтарында дезинфекциялық жұмыстар жүргізілді.
Эпидемияға қарсы шаралар жалғасуда.
Айта кетейік, облыста коронавирус инфекциясының алғашқы жағдайлары 29 наурызда тіркелді. 5 мамыр күнгі жағдай бойынша облыста коронавирусты жұқтырған 198 адам тіркелді. 36-сы сауығып, үйіне шығарылды.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу