КіруБҚО-ДА КАРАНТИНДІК ШЕКТЕУ ШАРАЛАРЫ 16 СӘУІРГЕ ДЕЙІН ЖАЛҒАСАДЫ
Бұл туралы бүгін, 29 наурыз күні БҚО әкімі Ғали Есқалиевтың төрағалығымен өткен коронавирустық таралуының алдын алу жөніндегі облыстық жедел штаб отырысында ұсынылды.
БҚО-да коронавирус инфекциясы бойынша аурушаңдық наурыз айында көбейді. 1 наурыздан бері 1868 оқиға тіркелген. Аурушаңдық жыл басынан 20 пайызға дейін артып, облыс 20 наурыздан бастап коронавирустың таралуы бойынша «қызыл» аймаққа енді. Облыстың бас мемлекеттік санитариялық дәрігері М.Арыспаевтың мәлімдеуінше, аурушаңдықтың көбеюінің негізгі себептері – ақпан, наурыз айларында карантиндік шектеу шараларының жеңілдетіліп, тұрғындардың маскасыз жүруі, той-туған күндерді ұйымдастыру және наурыз айларында көпшіліктің жиналуымен мейрамдардың тойлануы.
– Осындай жайбарақаттылық аурудың тіркелу жағдайының артуына алып келді. 20 наруыздан бастап карантиндік шектеулер қатаңдатылды. Бұл –аурудың өсу бағытын төмендету мақсатында қабылданған шара. Осы карантиндік шектеулерді 16 сәуірге дейін ұзартуды ұсынамын. 27 наурыздан бастап, соңғы үш күнде аурушаңдық күрт көбейді. Ауруханаларға емге жатқызылған науқастардың саны да артты. Қазіргі инфекциялық кереуеттер саны 596 болса, соның 355-інде коронавирус инфекциясымен ауырғандар ем алуда. Қазіргі аурушаңдықтың тіркелуін көбейіп тұрғанын ескеріп және 14 күндік инкубациялық кезеңмен есептегенде әлі де өсу бағыты байқалуы мүмкін, – дейді М.Арыспаев.
Инфекцияны жұқтыру негізінен үй жағдайында карантиндік шектеулерді сақтамау салдарынан көбеюде. Сондай-ақ емхана, сауда үйлері сынды адамдардың көп баратын жерлерінде инфекцияның жұғуы тіркеліп отыр. Қоғамдық көлікте жүру кезінде, салтанатты жиындарға барғанда жұқтырған науқастар да көп. Облыстың бас мемлекеттік санитариялық дәрігері карантиндік талаптардың сақталуын қадағалайтын мониторингтік топтардың жұмысы оң нәтиже бермей отырғанын атап өтті. Мәселен, өңірде 168 мониторингтік топ құрылған. Олар осы наурыз айында бетпердесіз жүргендерге қатысты 10 хаттама ғана толтырған. Жасырын той, туған күн ұйымдастырылып келеді, әйтсе де ресми түрде екі-ақ дерек, кафе-мейрамханаларда өткен көпшілік шаралар бойынша 4 факті тіркелген.
Жедел штаб отырысын қорытындылаған облыс басшысы Ғали Нәжімеденұлы ең басты мақсат – тұрғындардың өмірі мен денсаулығының қауіпсіздігі екенін атап, осы міндетті атқаруда барлық күш-жігер жұмсалатыны өтті. Сондай-ақ эпидемиологиялық жағдай жақсармаса, қатаңдатылған карантиндік шектеулер қабылдауды тапсырды.
Эльмира НҰҒМАНОВА
zhaikuni.kz
Версия для печати
Соңғы жаңалықтар
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Пікір үстеу