КіруАқмаржанға тағзым жасады
Осы дүйсенбіде Жастар мәдениет сарайында ҚР Журналистер одағының мүшесі, ұстаз, елге танымал ақын Ақмаржан Таубаеваны еске алуға арналған «Ән-Маржан» атты әдеби-сазды кеш өтті.
Аталмыш кешті ақынның інісі Қайыржан Таубаев ұйымдастырды. Поэзия кешінде Ақмаржан Таубаеваның Ж. Досмұхамедов атындағы педколледжде қызмет атқарғаны, сондай-ақ, педагогика ғылымдарының докторы, ұстаз, басшы Шалқыма Құрманалинамен әріптес болғаны айтылды. Осы орайда Ақмаржанның жақсы көретін Шалқыма апайына арнаған, Жаскелең Ғайсағалиев әнін жазған «Ақ шуақ» әнімен сахна шымылдығы ашылды.
Шарада Ақмаржан Таубаеваның өлеңіне жазылған басқада әндерді Майра Хайдарова, Расим Жұмағалиев, Мұрат Амирханов, Раушан Қуанышалиева, Аманбек Шайхин шарықтата шырқап, кештің шырайын келтірді. Ақынның «София сіңліме» өлеңінің кейіпкері,«Өрлеу» БАҰО АҚ филиалы«БҚО Пқбақ» филиалының директоры София Ізмұхамбетова да әріптесі туралы естелігімен ой бөлісті. Бауыры Қайыржан Таубаевқа ризашылығын білдіріп, Ақмаржандай ақынның шығармашылық мұрасы қазақтың рухани байлығымен бірге дами беретінін, оның есімі еш уақытта ұмытылмайтынын айтты.
Өз тілшіміз.
Версия для печатиСоңғы жаңалықтар
1,2 млрд теңгенің спорт кешені. Жаңаөмірдегі нысан кімнің қолдауымен салынды?
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
