КіруАрқа жұртының алғысы шексіз
Бұл да жасыл желегі жайқалған жасампаз Ақ Жайықтың асқақтаған абыройын, бірлігі мен татулығын, ұйымшылдығын, ынтымағын білдіреді. Экономикасы мен ауыл шаруашылығының және мәдениетінің қарыштап алға басқанын дәлелдейді. Өлкеміздің ардагерлері, зиялы қауым, өнерпаздары түгел қатысып, атсалысқан «Бейбітшілік және келісім сарайында» өткен үлкен концерттің де астаналықтар есінде ұзақ уақыт сақталары сөзсіз.
«Елде болса ерінге тиеді» дегендей, жаз бойы күннің ыстығына қарамастан, дала төсінде егіні мен бақшасын жайқалтып, малын өсірген жерлестеріміздің еңбекқорлығын, қайсарлығын сонау Есіл жаққа апарған, ол жақтағы ағайынды таңқалдырған игі істерінен, «Хан шатырында» қыздырған сауда-саттықтарынан көруге болады. Бұл жайлы да астаналық бауырлар әлеуметтік желілерге және «Facebook» парақшаларына оң пікірлерін, алған әсерлерін әлі күнге жазуда.
«Тоқсан ауыз сөздің тобықтай түйіні», өнерін де, өнімін де аямай, мәдениетіміздің мәртебесін, Жайығымыздың жайсаң тірлігін көрсетіп, Астанаға ел сенімін жеткізіп есен-сау барып қайтқан оралдықтарға барша ел-жұрт дән риза! Арқа төсінің алғысы шексіз… Ендеше біз, Астана қаласындағы 17-18 қыркүйекте өткен облыс күндерін «Жайық Пресс» ЖШС-ның қызметкерлері Нұртас Сафуллин мен Наталья Горохованың суреттері арқылы сөйлетуді жөн көрдік.
Мира ХАМЗАҚЫЗЫ
Версия для печатиСоңғы жаңалықтар
«Мерейлі отбасы-2024» ұлттық конкурсының қалалық кезеңі өтеді
Пікір үстеу